هل زوجي طبيعي ؟

بنات انا زوجي كويس معاي جداً الحمدلله ومتعوده عليه يضحك ويسولف ويمزح وقته كله وحق استهبال بس دايم بعد كل فتره بسم الله يصير ساكت مو طايق مني كلمه ! مايرد على كلامي تقدرو تقولو متجاهلني تجاهل تام بدون سبب ! طبعاً بتقولو ناشبه له لا والله اني اخليه على راحته واتجاهله نفس طريقته بس اللي قاهرني ليه ذا كله ؟؟ المشكله احيانن اعذره اقول شغل ويمكن عنده ضغط عشان كذا ساكت واخليه عادي ولا اعاتبه ولا شي يجي اقوم بواجباته من اكل وقهوه بس ماسولف عشانه ماراح يرد علي ولما يروح بكيفه التهي مع نفسي والله العظيم احياناً اشك اني مسويه شي ! اقعد افكر معقوله زعلته بشي ؟ لان تخيلو انا متعوده اوقت له الجوال قبل لا ننام عشان شغله وطبعاً شغله ماله وقت معين المهم اقوله عندك شغل بكره عشان اوقت الجوال يقول مدري !! من متى مايدري ماعمره قالي مدري يا ايه يا لا طنشته ونمت لما يصحى من النوم اجهز له اغراضه يالبس رياضه يا ملابس داخليه قلت وش اطلعلك قال لا تطلعي لي شي قلت طيب فطور قال لا قلت طيب وطنشته ونمت الغدا قال لا تحسبي حسابي !! قلت طيب ماسألته ليه الشي اللي قاهرني ليه ذا كله انا ماسويت شي كان وقتها عادي يسولف معاي وكنا ناكل وفجاءه بسم الله انقلب ! ودايم كذا كل شهرين اسبوع فيه يطنقر انا اعذره اقول يمكن فيه شي بالشغل بس يطنقر علي انا وش دخلني ؟ عادي يصير ساكت مايتكلم مايضحك بكيفه بس انه يحط الحره فيني مايتغدا ولا تسوين لي شي ذا ماله دخل بشغله؟؟؟ فهموني هل نفسيات الرجال كذا طبيعي ولا اللي عندي مو طبيعي بديت اشك بنفسي اني مسويه له شي !!!