هل زوجي طبيعي ؟

اذا شفتيه كذا منفس طالعي التاريخ بالهجري لان اذا قرب عشره الى ١٥ يعني عند اكتمال القمر عندهم هرمون يرتفع مدري وش يصير فيه يصير مزاجي يعصب المهم راعي هالشيء وكوني مرنه معه ولا تسوين مشاكل معه لانه مصيره يرد لك ويرجع زي قبل اذا شافك طبيعيه وماتنتقدين بيرجع لك احسن من اول

كثر الله خيرك ما قصرتي ،، و اهتميتي فيه و سألتيه
خلاص اتركيه براحته
نفس ما قلتي كلها فترة قصيرة .. أسبوع و يرجع لك نفس ما كان بإذن الله ..
زوجك طبيعي إن شاء الله ممكن يمر بضغوط .. الرجال أغلبهم ما يشتكي إلا لمن يساعده على حل مشكلته ، يعني ما يشتكي لمجرد الفضفضة نفس كثير من النساء ..
و زوجك احتمال يمر بفترة الدورة الشهرية / يتغير فيها المزاج و ينسحب إلى كهفه (حسب ما وصفه صاحب كتاب الرجال من المريخ و النساء من الزهرة) ..
و هي بإختصار حصول تغير بمزاجهم ..
اعتبريها فترة انسحاب - فترة راحة لك عن الخدمات الحلوة الإضافية اللي تقدميها لزوجك ..
لكن تقدري تمزحي معه على خفيف بكلمتين ثلاث .. و تتركيه بعدها ؛
يعني لو سألتيه و قالك لا تحسبي حسابي بالغدا ، أو لا تعملي كذا و كذا ...
بإستغراب ردي (طبعًا بأسلوبك و كلماتك اللي متعودة عليها ) مثلًا : مين اللي ضايق حبيبي ؟ //
الدنيا ما تستاهل زعلك //
شكلك متضايق ! بس صراحة اشتقت لروحك الحلوة ...... الخ//
أي عبارة قصيرة تحسسه إنك مهتمة بنفسيته


** و إذا رفض عادي ؛
ردّي عليه : براحتك ، لكن لو غيرت رأيك كلمني ♥️


و ما يمنع لو تحبّي تقبّلين منطقة الجبين ،
أو تمسحين على منطقة أعلى الظهر أو الكتفين
هذه اللمسات الجسدية لها دور حبيبتي بالدعم النفسي خاصة لو يمر بفترة يشعر بخذلان و غيره ..
و بالأخير أنبهك لا تشخصني الموضوع ضدك و إنه هو قالب عليك !!
لا .. اعتبريه إنه متضايق و ساكت حتى ما يضايقك بأي كلمة ، و ساحب نفسه بهدوء .. و فترة و يرجع لك بحول الله ..
أتمنى إني خففت عنك و أفدتك ، ربي يوفقك بحياتك

زوجك مزاجي الله يعينك ، انا عانيت من هالنوعيه ولا ازال ،الله يجبر بخاطري ويعوضني خير ،كنت نفسك يمكن انا مسويه شي وانا مدري طلعت شخصيته كذا ،
الحل لهالنوع التطنيش ولا تساليه عن شي ولا عن اكله ولا شربه ولاملابسه قومي بس بالواجبات اللي عليك وانتي ساكته ولا تناقشيه خليك عايشه حياتك طبيعي وانا كنت اسوي كذا لكن كنت منقهره منه بالحقيقة ،وفيه نوعيه منهم ساكت ولا يتكلم ونوعيه لا ، يتسبب عليك ويبهذلك اذا جت هالحاله فالساكت أهون واحد .

معاها