التجمع ١٧٣ للمقبلات على عمليات اطفال الأنابيب والحقن المجهري

الله يجعل تعبك في ميزان حسناتك والله يعينك على تربية ولدك 😘😘😘

تانيل بوتيك مبروك الله يتبت مافي رحمك

اي ان شاءالله بس ارتاح سنه واطلع اللولب ان شاءالله

يااااارب امين

السلام عليكم خواتي كيف حالكم اتمنى تكونون جميعا بخير قلبي معكم دايماً.. خواتي زي ما تعرفون حالتي متأخرة بالحمل بسبب مشكلة من زوجي زي ما قلت لكم سابقا اني احبه ويحبني حيل واي شي اطلبه ما يقصر فيه لكن باخذ رايكم بموضوع اتمنى الاقي منكم الحل كنت باول الزواج رافضه فكرة الحمل لأن اكتشفت حاجة سيئة عند زوجي انه مدمن للأفلام الاباحية اتمنى ربي يرفع عنه البلاء
فقلت له من البدايه انا عارفه انه زي إدمان وانا بكون معاك الين تتخلص من هالادمان اللي تعودت عليه من سنين تخيلو يا خوات من اول شهر زواج كشفته والله اعلم بالشعور اللي مريت به لكن وعدني انه يتغير ومر الوقت ومرا على مرا والمشكلة تتكرر الين مرة صار بيننا نقاش حاد مرة مرة ووعدني انه يتغير وحلف عالقران وفعلا حسيته تغير وبعدها توكلنا على الله ونوينا الحمل وفحصنا واكتشفت ان عنده ضعف طبعا انسان مبتلى زي كذا تتوقعون انه لازم يلتجئ لربه تخيلو يا خوات نروح عمرة ونرجع القاه ثاني يوم راجع لعادته
تخيلو يوم عملت الحقن كيف كانت نفسيتي وابكي ومنهارة مرة وادعي ربي من كل قلبي تنجح العملية وابذل كل الاسباب وهو كان يشاهد الحاجات الخليعة
والله اعلم ان كملها ومارس العادة السرية المهم يا خواتي انا اعرف واقدر أميز اذا هو شاهد هالحاجات او لا بطريقة معينة ما حقدر اقولها لكم عدت هالفتره االماضية وانا ادعي الله يهديه
الين البارح صحيت من نومي ومسكته مسك اليد يمارس العادة تخيلو ما قلت ولا كلمة
و انصدمت مرة انربط لساني ما قلت له ولا كلمة جا بعدها يبرر ويحلف بالله انه ما كان يساوي شي تخيلو كان يحلف بربي وجاب القرآن وحلف بالله انه ما كان يساوي شي صدقته وقلت خلاص ما دامه حلف مع انه شوف عيني 😭 اليوم تأكدت انه بنفس موعد البارح انه كان يشاهد الحاجات الخليعة تصدقون ولا ما تصدقون تأكدت ١٠٠٪ انه بنفس الوقت كان فاتح شي بتلفونه وجا حلف عالقران بدون لا اطلبه يعني انه همي كبير بامانه وهمي زاد انه يحلف كذب ضاقت بي الوسيع طول نهاري ابكي وافكر بموضوع واقول مستحيل اتخلى عنه وهو ولا هو داري... مالي غيركم افضفض له لا خوات ولا قرايب ولا صديقات عشان ما أفضح سر زوجي شوروا علي اش اتصرف معاه وجزاكم الله الف خير... سامحوني ع الاطالة واذكروني بدعوة