موضوع اجتماعي للنقاش

أثنين من أقاربي مأجلين زواجهم خلال الكورونا لبعد العيد
العرايس يبون حفل زواج أكثر من ٥٠ ، وشهر العسل لما يفتحون الطيران

وقاعده أستعد معهم وأجهز الفساتين للحفلات




بالنسبه لي صعبه جداً الموافقه على العاطل عن العمل كيف بيفتح له بيت ويكون أسره وماعنده دخل

ممكن يقبلوا بواحد راتبه قليل أو يتنزلوا عن السكن المستقل وتدخل بغرفه مع أهله أو يقبلوا أنهم يأجروا بحكم ماعنده بيت ملك أما من غير وظيفه لا قليل إلي يقبل ويغامر بس فيه خصوصا إذا كانت هي موظفه وتقدم بها السن فتلحق حالهاوغالبا هو يكون دارس أو عنده صنعه فعندها أمل يلقى وظيفه بسرعه أوكانوا مخطوبين قبل ما يفقد وظيفته وحبوا بعض ما قدروا يستغنوا عن بعض

طيب خل نفرض واحد تقدم ومعه وظيفة وراتبها عالي
والكل يمدح فية عشان يمشي أمور زواجه
والنهاية طلع ماهوووو كفو وبخيييل ولا يصرف عليها
وش تسوي تطلب الطلاق وترجع لبيت ابوها معززه وهي مطلقة
وعاشت انواع الذل والاهانه عشان اخلاقه مو زينة ولا يسمى رجال.
وممكن الواحد خاطب وفجاة تيسرت له الوظيفة


لان الارزاق عند الله وكل شخص راح يوفي له رزقه.
الواحد يستخير الله لان محد يدري وين خيره أمورنا
الخيره فيما اختاره الله سبحانه

مو حكاية معززين بناتهم الأهل يتمنوا لبناتهم أمراء وملوك بس الظروف تحكم


والله الوضع الإجتماعي خلى كثير يضطروا يبتدوا من تحت الصفر و بعد ما كان سقف شروطهم للسماء


كثير بنات فاتها القطار وهي تنتظر الخاطب إلي تتوفر فيه شروطها موظف وعنده سكن و دارس....


وفيه بنات تنازلت عن شرط أو شرطين أو أكثر وكنا نتعجب منهم بأولها وكنا نحسهم أهانوا حالهم لكن بعدها بكم سنه تحسن وضعهم وخلفوا عيال وبنوا أسره و موفقين بحياتهم وشفت هذ بعيني بمعارف وزميلات بالجامعه


الدنيا ما أعطت كل واحد مبتغاه التمني شيء و الواقع شيء آخر خصوصا بالبلدان المتوسطه والفقيره أين الوظايف بالقطاره وغالب الموظفين عملهم مو قاره بعقود عمل وبس يشتغل فتره ويتوقف لحد مايلاقي شغل ثاني فالناس تدبر حالها بالموجود

أنا كتبت إلي يصير بالمجتمعات ونشوفه بالواقع ماكتبت رأيي إقري إقتباسي إلي فوق ردي هذا