موضوع اجتماعي للنقاش

بشكل عام الفكرة ممكن يكون لها قبول عند بعض العوائل ورفض عند عوائل ثانيه
كلن حسب ظروفه واولوياته
اعرف وحده تزوجت ولد عمها وهو عاطل وسكنت مع اهل زوجها في غرفه والحمام مشترك الله يكرمكم
فما يخفى عليكم كيف وضعها بوسط بيت مليان رجال تمشي بعبايتها وطرحتها طول الوقت
وكيف وضعها في الطبخ والتنظيف والكرف اللي مجبوره تكون جزء منه بشكل مستمر
هذا غير مسألة الحمل بعد كم شهر من الزواج زاد عليها الهم والتعب وكل كم يوم طايحه عليهم من الاجهاد والهبوط وهم عايله كبيره ماشاء الله وكل كم يوم يجونهم ضيوف
حتى في المناسبات تروح تتسوق مع ام زوجها وخواته والام هي اللي تدفع لها مثل ماتدفع لبناتها
يعني لو ماهو ولد عمها وهي بنت مؤدبه ومتربيه على السكوت والصبر كان ماتحملت كم سنه الى ان توظف زوجها
ترى الحياة الزوجيه مو بس فراش
وحتى الاستقرار اللي تقولين انه يبحث عنه بالزواج وهو عاطل صدقيني ماراح يلقاه بالعكـس بيلاقي الهموم والتفكير يزيد عليه خاصة اذا حملت زوجته وبلش بالحفايض والحليب واللبس صعبه كل يومين يقط وجهه على ابوه يطلبه فلوس
وبالنهايه هو نصيب مكتوب ومقدر والتوفيق من الله سبحانه وتعالى
بالنسبه لنا في بيتنا سبق جاء عاطل ورفضوه لهذا السبب حتى قبل لا يتعمقون في السؤال عنه

الرسول اللهم صلي وسلم عليه يقول «إذا جاءكم من ترضون دينه وخلقه فزوجوه، إن لم تفعلوا تكن فتنة وفساد عريض»
والناس الحين شوفون وظيفته ايش وراتبه وولد من ووووو واخر مايسالوًعنه خلقه




خلاص راتبه زين يزوجوه وش الفايده اذا باخذ واخد راتبه زين بس اخلاقه زفت معي يلعن ويشتم وشايف نفسه علي وماعاملته زفت




يابنات افهمي راتبه له موب لك لا تحسبي انه بيعطيك نص راتبه ويحطه بيدك ولا كل ماقلتي ابي الماركه الفلانيه ولا سافر بي للديره الفلانيه قال سمي وطار بك لا ياماما الرجال راتبه كثير ولا قليل مو كلهم بس الاغلب الحين يشوف اذا قام بالاساسيات خلاص احمدي ربك واشكريه والكماليات انتي روحي توظفي وكملي ع نفسك




من الي اشوف حولي صدقات واقارب رجالهم وظايفهم زينه واغلبه اذا مو كلهم مصروفه من ٥٠٠ الى ١٠٠٠ اذا معه ثلاث اطفال واكثر


فا افهمي راتبه له وخلي عنكم التشرط الزايد قبل ما تكبرين وماحد يطق بابك ولا تاخذ واحد متزوج وتكوني زوجه ثانيه ولا ثالثه




لاتقولين اجلس ببيت اهلي معززه مكرمه احسن لي ومو لازم اتزوج اذا ماعنده لا ياماما امك وابوك مو دايمين لك اذا راحو ترى اخوانك بيطلعونك من البيت يبيعونه ياخذون ورثهم وانت تتبهذلين عند مرت اخوك وتصيرين ثقيله على قلوبهم غير المذله والاهانه الي بتشوفينه من بنت الناس




وش ازين تجلسين ببيتك البسيط مع زوج ميسور الحال بس مبسوطه معه وعند اطفال ولا يقولون عانس متمرمطه ببيوت اخوانه كل شهر عند واحد






نصيه الي تجيه الفرصه وهي تعرف نفسه انه مو ملكة جمال والله يجيهم احد يطق بابهم اذا جتك الفرصه بالرجل الخلوق والي كل يمدحه وافقي وربي بيرزقكم ان شاء الله




والي كبرت ومايجيها الا متزوج ومنه اذا زين وافقي عليه ويكفي السنين الي فاتت عليك والحقي عمرك بطفل طفلين جيبيهم ورى بعض يملون عليك حياتك ويحلونه




وعلى فكره ترى الرجال مو كلهم الاغلب الي تكون فلوسه واجد زوجاتهم بهم طول وقته تخاف يتزوج عليه ويكونون يحبون السفر برى ومو مع زوجاتهم مع اصحابهم وطول وقته بهم لما يرجع خانن ما خانن يعني


الرجل كل مازادت فلوسه فسق وطغى وبدا يلعب بذيله ويصير شايف نفسه ومو شايفك شي لانه بقرارت نفسه يقول الي حصتك احصل ازين منك طز فيك مو كلهم الاغلب












وحطيه حلقه بذنك (( الرجل كل مازادت فلوسه فسق وشاف نفسه عليييك ))

من وين يصرف على البنت اهله او اهلها يصرفون عليهم
عيب والله لو يجلس بدون زواج اكرم له ولها من يصرفون عليهم
الزواج مسؤوليه اللي مو قدها لا يتزوج

السؤال الأهم كم المدة إلي جلس فيها بدون عمل

لو الخاطب توه متخرج ولسى مالقى وظيفة وعمره مازال صغير هنا ممكن البنت تعطيه فرصه توافق عالخطبة وبعد مايتوظف يتم الزواج

من جانب آخر لو شخص صار له سنيييين جالس بدون شغل وفوقها ماعنده سكن مستقل هنا البنت من حقها تقلق على مستقبلها ومانقدر نلومها صعب تبدأ حياتها الزوجية في خوف وترقب .

المشكله انه بعض الرجال الي مايكون ما عنده وظيفه ويلقى ناس تقدره وتزوجه ويقوم يزيد في البطاله وعطاله وتزدح وتبطح وينتظر اهله و اهلها يصرفون عليهم
الرجال الي بدون وظيفه ما تضمنين بعد الزواج يبحث عن وظيفه والله اعرف بنات تزوجو على أساس يبحث ويقدم ومرت السنوات وهم على مصروف من اهله واهلها الى انه صارت تسوي اكل وتبيعه وبعضهم تطلقت واخذت عيالها لبيت اهلها
شي مو مضمون انه يبحث عم وظيفه
نحن ما نقول تتزوج ملياردير لا تتزوج واحد موظف عنده راتب يقدر يفتح بيت ويسوي حفله مو لازم في افخم القاعات فيه قاعات اسعاره متوسطه ولا تعزم احد كثير تعزم اقرب الناس لها مو لازم سفره برا الدوله عادي سفره داخليه
شفت كثير تنازول عن ابسط الاشياء ولم مشت أمور رجالهم تزوجو مره ثانيه بحجه زواجه الاول ميت ما حس انه معرس وفرح فتزوج الثانيه
والأولى مسكينه ماقدرت تفرح في المره الأولى عشانه لكن هو جدد وعاش فرحة الزواج و طقطقه
لا نسوي نفسنا ملائكة وانه الأمور معقده بسبب البنات البنت اول فرحه لها تتنازل عنها عشان واحد ممكن بكره يتزوج وعيش الفرحه مع زوجته الجديده
ما اقول اطلبي حفله ميزانيه عاليه و اثاث غالي و سفرات برا
لكن اهم شي موظف حفله وزفه بسعر مناسب القاعه و شقه صغير و اثاث سعره مناسب وجديد وهي تراعيه ما تطلب ماركات في الملابس و المكياج و الشنط
لكن تطلبون هي تتنازل وهو ايش الي يتنازل او المقابل الي يقدمه لها انه يعطيها لقب زوجه فقط و اطفال وفوقهم فقر وقلت حيله
لا تقولون في عهد الرسول صلى الله عليه وسلم كان غير الدنيا بسيطه
الان الزمن تغير الاكل والشرب و العلاج الي هي الأساسيات تحتاج فلوووووووووووس
والرسول قال بمعنى الحديث لي ما يقدر على الزواج أفضل شي الصوم.