🎊🎉 التباشير ( ١٨ ) لحوامل مواليد يناير & فبراير لعام ٢٠٢١ م 

بنات اللي ولدو وش سميتو عيالكم 🥸
انا سميت ولدي عدي والاغلب حولي ماعجبه الاسم امي وام زوجي يقولولي وش ندلعه 🤪

حددوا لي بس اقرب موعد لقوه لي بعد ما اخلص شهري
وبما انها اول قيصرية لي عادي اخذ اي شي ان جاني الطلق طرت ع المستشفى وطلعوني للعملية وان ماجاء اروح على موعدي زي الطيبين 🙂

الين + لارا

الدلع عندنا متوفرررر مايشبه الاسم هههه
اذا عاجبك ماعليك من احد

الله يبارك فيكم جميعاً حبيباتي ❤️❤️


أنا فعلاً كانت ولادتي عملية و الحمدلله على كل حال
مع أنه كانت تجيني طلوق لها كم يوم وتحجر مررة شديد لكن الرحم مااستجاب ومقفل وحولوني عملية ..


أنا تحسفت أني ماطلبت بنج كامل
تعبت من البنج النصفي ولا اشوف منه فايدة غير التوتر ماغير اتنافض وخايفه قلبي شوي ويوقف من الخوف
ندمت مرررة أني ماطلبت بنج كامل
حتى البيبي يوم طلعوه شفته ثانيه وحده وطلعوه يقولون برد عليه
ماتسوى توتر البنج والخوف والم ابرة الظهر على ثانيه واصلا ماشفته من الخوف كل شوي اسألهم وش قاعدين تسوين ؟ كم باقي وتخلصون ؟ اشغلتهم 😩
ف الي خوافه مثلي تأخذ بنج كامل احسن لها
هذا غير سالفة خليك مستقيمة بعد العملية ٨ ساعات
افف توتر حتى النوم ماقدرت أنام 😓
والجنين طلع نتفه قد الصامولي على قولة طفلة
وزنه ٢.٥٠٠ ماني عارفه كيف اتعامل معه حجمه صغير بزود أقولهم اكيد غلطانين بالوزن متأكدة مايجي كيلوين مستحيييل
اليوم من الفضاوة قاعده اقيس وجهه بحجم كف يدي لقيته وصل النص ماكمل حتى كف اليد كامله 😂
ولا يرضع زين يالله نقطه مدري كيف بيكبر 💔