🎊🎉 التباشير ( ١٨ ) لحوامل مواليد يناير & فبراير لعام ٢٠٢١ م 

اللهم امين . أنا سندس 😬 طالبة مبتعثة في امريكا وحامل في الاسبوع ٣٧ باول بيبي. ما اكتب كثير بس اتابع كلامكم. مشغولة في تجهيزات البيبي اللي توني بديتها من اسبوعين و لسه ماخلصت 😓
على اساس امي تجني هالاسبوع بس شكلي حكون انا وزوجي وبس، دعواتكم ياعزيزاتي انا مرره مرعوبة من الولادة

اغسلي بمويع دافيه واشفطي الحليب منه خلي في حليب حق البيبي وجربي ياخذه واذا شرب منه كثري رضاعة منه ماراح يمتلي ويحجر ويأذيك

احمدي ربك ياطاقتن على الاقل فك ربط وعارفه هالشي انا طالعه لي من اسبوعين حبوب بالمنطقه ومن دكتوره لدكتوره وكل ماكشفت وحده تطالع باستغراب وتقول وش هذي كانها غريبه عليهم وامس جا في بالي الاثاليل لاتكون هي ماعاد صرت ابغى اولد الين اتطمن لاتكون اثاليل او شي يضر الجنين وقت الولاده اليوم حجزت موعد عند استشاريه جديده والله يسهلها ويفرجها علي وعلى الجميع فلاتفكرين وتتعبين نفسيتك في حاجه انتي تعرفينها ومامنها ضرر

دايم فكري تحملت الاعظم والاكبر
وفك الربط ماياخذ دقيقه
تدرين يوم اسوي اطفال الانابيب في شغله اسمها تحفيز بطانه الرحم سويتها ٨ مرات طريقتها يدخل الدكتور انبوب طويلللل مره يمكن طول ذراعي للرحم جوا ويجرحه جرح بسيط 🙃 عشان تتحفز البطانه بالماده ذي الي يحقنها وكل مره اروح اسويها اعرف وش يحتريني بس اتحمل لان المها مايتعدا خمس ثواني او دقيقتين ان كثر
الشاهد في كلامي لاتفكرين بالربط وانه الم فظيع وتكأبين عمرك
بيعدي كل شي بيعدي انا كلما تالمت وبديت اخورها واضعف ذكرت عيالي ذكرت اني ابي طفل وان الالم منسي باذن الله واني باسوي اي شي بالدنيا عشان احصل الي ابيه والي هو طفل

الله يفرج همك ويكفيك شر ما اهمك 😢
تدرين احيانا اقول هالاستشاريات مايفهمون وان الدكاتره الرجال افضل بملايين المرات ويوم يذكر الواحد الكشف النسائي عند رجل يضيق صدره