التجمع ١٧٣ للمقبلات على عمليات اطفال الأنابيب والحقن المجهري

سبحان الله ، يعطيك العافيه ع البحث ونقل هالمعلومات الأكثر من رائعة ..

انا اخذو الخزعه على اليوم7 والله مدري طريقتهم صحيحه او لا لان ماقد سمعت اليوم7 صراحه

الله يسهل امرك ويكتب لك الحمل السليم والجميع أن شالله
ولدي المريض عنده ملف بالتخصصي لكن أنا ماعندي
وحاليا خارج السعوديه لكن لين رجعت أن شالله بحاول افتح عندهم ملف
سوالي عزيزتي كيف مواعيدهم؟ اول مره أخذتي موعد كم جلستي انتظار لان سمعت ان الحكومي يتأخرون والعمليه الثانيه كم بينها وبين الاولى هل هي فتره طويله؟ وسوولك فحص كروموسومات وجينات أو فقط جينات ؟ وعذرا على اسئلتي اذا هي كثيرة

الله يجزاك خير عزيزتي
انا اللي عندي اللحين وصالح لإرجاع هو 4BC
رحت مره ثاني للمستشفى وتكلم مع اخصائيه المختبر نفسه لأن عطوني تقرير عن جوده البويضات وصار فيه ارقام وانحست وقلت اشرحيها لي لان اللحين صار فيه رقم مو حروف بس قالت الرقم لاتشيلين همه هذا حجم التمدد للجنين يصنف 1_6 (6يعني خلاص شوي ويفقس) وباقي الكلام عن الحروف مثل ماقلتي الله
يسعدك أن الجنين في اليوم الخامس تقريبا يكون له تصنيفين لان تبدأ خلايا كيس الاريميه بالتكوين قالت لي الأفضل أن الجنين يكون A أو B
الخلايا اللي راح تتكون منها المشيمه مو مشكله اذا C لأنها راح تتطور أكثر بعد الترجيع ارتحت نوعا ما من هذي الناحيه لكن إلى الان متردده بترجيع جنين حامل للمرض علما أنه مالي خيار غيره مرات اقول اذا رجعت السعوديه أعيدها وبنفس الوقت اخاف تكون نفس النتيجه او ممكن مايطلع لي لا سليم ولا حامل صراحه عمليه اطفال الأنابيب بسبب الأمراض الوراثيه متعبه نفسيا لان كل خطوه تشيلين همها ( هل بيحصلون عدد كافي من بويضات وكم اللي راح تتلقح وتكمل و هل جودتها كويسه وبعدها هل هو سليم أو لا هل بيتم الحمل اولا ) الله يرزقنا جميعا ماتمنينا والله يجزاك خير وشكرا لك مره اخرى عالمعلومات والله يجزى كل عضوه خير والله استفدت كثير من هالتجمعات

ياقلبي ليش ماترجعين جنين حامل ؟
هل بيكون فيه اعراض او شيء لاقدر الله ؟ ولا يجي سليم بس حامل في جيناته المرض ؟
اللي اعرفه ان الطفل الحامل لاي مرض يكون عادي جداً هو سليم في اعضائه بس هو حامل للمرض في جيناته يعني لما يكبر وتشوفينه معرس او معرسة باذن الله ماتزوجينه ناس حاملين للمرض فقط
انا زوجي حامل لمرض الثلاسيميا وأمه حامله للمرض بس تزوجني انا سليمة وباذن الله ربي كريم يرزقنا أجنة أصحاء يارررب
هذه فرصتك رجعيه وأسأل الله يرزقك اطفال معافين سليمين ياررررب