🎊🎉 التباشير ( ١٨ ) لحوامل مواليد يناير & فبراير لعام ٢٠٢١ م 

عاصيه راسها
جنة هلي
الزهره الحزينه
مباااارك ماجبتم
يتربون بعزكم ودلالكم
وحمدالله ع سلامتكم🌺

ونا بالحكومي ولاجابو سيرته ابدددد

ايه نفس ما صار لي انا جيت عن طريق الطواري ولا احتاج اني اسوي مسحه

بحاول فيهم يلغونه ويارب يوافقون

السلام عليكم يا خواتي 🥺 أحس أقرب اسم لكم لان كنت اتابعكم بدون ما اشارك من وسط شهور الحمل وعشت معاكم بكل لحظات ويعلم الله اني استفدت منكم اشياء كثير وتعلمت و دعيت لكم بكل الاوقات .. و ياما كنت أحب اقرء كلامكم الإيجابي وقصصكم الأيجابية لان تشجعني وتذكرني ب اشياء كثير. عشان كذا أحب اشاركم قصة ولادتي و ان شاء الله تكون أيجابيه ايضا وتشجع الباقي ربي يسهل عليهم❤️..
أنا موعد ولادتي كان ٢٩-١ و هذا كان ثاني حمل و الي كان عكس التوقعات جداً 😅😂.. لأني ولله الحمد اول حمل لي لما كنت بكريه كان خفيف من بعد الشهر الخامس لين اخره و الحمد الله ولادتي كانت بنهاية الاسبوع الاول من التاسع و ماطولت بالطلق جاني الفجر الساعه ١ الليل وولدت الساعه ٨ الصباح ..
لكن سبحان الله في خلقة شوؤن حملي هذا كان جداً جداً ثقيل من الشهر الثاني كنت احس بثقل كاني ب شهوري الاخيره وكان كئيب وايامه ثقيلة علي و اخر شهوري بس بكى ونفسيه تحت و انا أتوقع ان للأحداث الي صابتنا الي هو كورونا ربي يفرج علينا منها سبب بهالضيق..
المهم ان انا كان عندي أمل كبير اني راح اولد بداية التاسع مثل حملي وكنت متفائله كثير خصوصاً اني كنت ادعي كل يوم ربي يسهل علي بسرعه لان عندي ظروف عائلية أحتاج اخلصها وكل ماطالت ولادتي كل ماصعب هالظرف لكن مثل ماكنتوا تقولوا لكل وحده يوم ربي كاتب ولادتها .. بداية التاسع اكلت اناناس وشربت عصير اناناس كامل😂 كل من باب التساهيل.. ومر الاسبوع الاول بلا اي شي و جينا الاسبوع الثاني وبديت اتقرفص و كل يوم واحاول امشي قد ماقدر .. و مر الاسبوع الثاني ولما رحت الموعد كان مفتوح بس ١ سم تحبطت وبنفس الوقت قلت احسن من لا شي وجى الثالث الي خلاص زاد الثقل والهم علي وبديت اشرب حلبه و اكل الحلبه واتقرفص و جماع و ايضا مافي اي بوادر مجرد نخزات تحت ولا الم خفيف ويروح و جت الاسابيع الاخيره الي اشتد بي الهم 😣 اني ماعاد اقدر اصبر خلاص خصوصا ان التأمين تبعنا راح ينتهي خلال كم يوم وبعدها ماقدر اتعالج لاني في امريكا وتعرفون ايش يعني مستشفى بدون تأمين$$$ لين اخر اسبوع لي الي هو هذا كم يوم واخلص التاسع استسلمت من كل شي لا فعاليات ولا مهرجانات شفت منها بادورة امل وحدة😂 ف تركت كل شي وصرت بس ادعي ربي من قلب و زاد همي لما قريبتي الي موعد ولادتها ف ١٨ فبراير رسلت بشارتها انها ولدت اول التاسع وانا خلاص دمووووع دمووع طول اليوم لدرجة عيني ورمت والله واقول لزوجي عيني فيها حساسيه وناشفه يبي لي قطرة .. و كنت اكلم ربي ليه ياربي كاتب لي ان يزيد همي يارب انت تعلم بحالي كيف صعب وكيف بيكون حالي بدون تأمين راح ادخل بدوامة واشياء كثير ومدري كيف لو ولدت راح بعد الولاده يفحصوا ولدي بالعياده وغيره وغيره اشكي لربي همي واصيح ف يوم الاثنين كلمت العياده اني ابي اقدم الموعد للفحص الاخير بدل الجمعه يكون بكره الثلاثاء عشان لا يقولوا مانقدر ندخلك او شي الا تقولي بس جبتي تامين جديد ! و الهم رجع من جديد🥲قلت لسه بس تاميني باقي لين اخر يوم بالشهر يعني يمدي قالت خلاص تعالي وبعدين نكلم التامين نتاكد .. ورحت و اول مادخلت العياده دعيت اني ماطلع منها الا بفرج من ربي على الي بقلبي و اول مادخلت الحمد الله الاستقبال ماقالوا شي ع التامين تاكدوا ان لسه باقي فية كم يوم و هذا اول هم و انزاح وبعدها دخلت على الدكتوره وجت فحصت قالت مفتوح عندك ٥ سم وانا مدري اعتبره شي زين ولا عادي الا قالت هذا شي كويس ف الخيار ب ايدك تجين بكره المستشفى واسوي لك تحريض او تبين تنتظرين يجي لك الطلق طبيعي!؟ طبعا انا ماصدقت ع الله هذا فرج لي وارده واقول لا ف قلت اي اكيد ابي تحريض بس يعور ؟ 🤪وقت يعور لان ولا لا.. قالت تبين تاخدي الابدورال قلت اي قالت خلاص سهالات اسوي تحريض وافك لك المويه بالمستشفى بكره ف تعالي الساعه ٤ الفجر المستشفى .. رجعت البيت وانا اشكررر ربي واحمده ع اول انفرجاته ورجعت وانا خايفه ومتوتره وبديت اجهز وسبحت وسويت شعري😂 قلت اجرب مثل الاجانب الي يروحوا بكشختهم .. المهم جى يوم الاربعاء الفجر اخذت ولدي عند صديقتي تنام عندها ومشينا المستشفى ودخلت اجرائات روتينيه وجت الممرضه اخذتني بالكرسي على فوق قسم الطلق و الولاده ودخلوني الغرفة وبدوا فحوصات دم وغيره وجت الممرضه تفحص قالت ٥ فاتح لسه وقت و لين الساعه ٧ تقريباً جت ممرضه وعطتني طلق صناعي وكنت خايفه لان جديد علي و بعدها فحصت لقته ٦ سم وقالت خلاص شوي وتجي لك دكتورة التخدير تجهزك للابرة طبعا انا هنا كنت خايفة لان اول مره اخذ ابرة ومخدر وذي الشغلات .. جت وبدت تقولي لا تشيلي هم احنا بنهتم فيك كل الي عليك استرخي وجت ممرضه ثانيه من قدام سندتني ع صدرها وبدت دكتوره التخدير تمسح وقالت ماعليه بتحسي بوخزه وشي بارد ثواني ويروح وبدت تحوس وتدخل وانا مدري ايش بالضبط لين حسيت بلسعه وقرصت الممرضه الي ماسكتني وصرخت بس اعتذرت وضحكت قالت ماعليك متعودة😂 وبعدها قالت بس خلصنا و شووي و راح تحسي بدفى ف رجولك وثقل شوي شوي وصح بدت تشتغل الابره لكن برجلي اليمين بس وبديت اخاف قلت بس هذا شكله الي يقولوا عنه ان الابرة مانفعتهم وماتشتغل عندهم وخفت وجت ممرضه تسالني تحسي بشي قلت ايوه بس رجلي اليسار لسه احس فيها واحس بالطلق قالت ماعليه اوقات لازم تجلسي ع الجنب الثاني عشان يتوزع المخدر ف جت الدكتوره بعدها شكلها حرضت و فكت المويه طبعا انا ماحس ب شي ابد وبعدين جابت لي كورة البينت او الفول السوداني وحطتها بين رجلي لان تساعد بفتح الرحم اسرع و خلوني اجلس على جنبي اليسار وشويات حسيت بمويه تنزل و الساعه ٨ ونص فحصوا لقوه فتح ٨ سم وقالوا على الساعه ١٠ شكلك والد بس هل انتي دفعتي كثير بوقت ولادتك الاولى قلت لا ماطولت ٤ مرات دفعت وولدت قالت كويس بس انا من داخل خايفه قلت اقرء كثير ان الابره تطول وقت الدفع وتاخد ساعات ف ليش يسالوا! وطلعت الدكتوره لان جت لها حالة ولاده و بهذا الوقت انا كنت اسولف مع زوجي واضحك عادي😂 والطلق اصلا لاعب فيني بس ماحس وكل شوي اقول بداخلي جد لا قالوا نعمة ربي هالابره وخلال هالوقت احس بالدفع الي مثل الامساك وعرفت ان ولادتي قربت و الساعه ١٠ ونص فحصوا لقوه فاتح خلاص بس قالوا الدكتوره جايه بالطريق قلت عادي تاخد راحتها واكمل سوالف مع زوجي و بس الم الدفع الي كان يوقفني شوي واكمل ووصلت الدكتوره بالسلامة وجهزوا العده وقالت اول مانقولك ادفعي ادفعي قلت طيب وحسيت بشعور الامساك من جديد وهذا طلقه تعتبر ف قالت يلا امسكي نفسك وادفعي ووقفت الطلقه قالت اول ماترجع خذي شهيق واحبسيه وارفعي نفسك ورجلك وادفعي وراحت الطلقه بس قالت خلاص شفت شعر الراس مابقى شي و على ماتجي الطلقه الثانيه قلت لزوجي ارفع راسي و كتفي انت هالمره وانا بمسك رجلي وجت الطلقه وبدوا يعدوا وحاولت قد ماقدر بس لسه وهنا خفت مره ثانيه قلت شكله الحين بتحول قيصري مثل الي البعض الي مايحسوا بشي وتجارب الناس😓 بس جلست اسولف مع زوجي ايش بجيب لي اكل بعد الولاده😂 عشان انسى كلام الناس الا جت طلقه والممرضات كلهم بدوا يقولوا يلا يافلانه تقدري وجلسوا يصفقوا ويعدوا تنازلي وماشفت الا ولدي بحضني😂 ماحسيت كيف طلع والحمدددد الله ان انتهت هالرحلة الساعة ١١ الصبح ماصدقت ابدا ابداً وذكرت كلام طفلة وفطوم وغيرهم ان كيف هالابرة جد نعمة وبكيييت عليها و على فرج ربي كيف يخفيه وكيف يجي ربي رحيييييم بس احنا بسرعه نيأس ومانكمل الثقه بربنا😭💜 يمكن صحيح الفعاليات الي سويتها لها دور بفتح الرحم ويمكن لا لكن بنهاية المشوار ولادتي تعتبر ماطولت اااه على فرج ربي وعوضه ربي لك الحمد والشكر .. عشان كذا اقولكم ياخواتي لا تيأسوا من رحمة ربي و خلي عندكم ثقه ايش ماكان ربي راح يعوضك بجميل الصبر خير.
ادرررري مره طولت عليكم بس مابغيت اخبي عليكم مشاعري الايجابيه و اشاركها معكم واذكركم ان الله يغير الحال بلحظه..
...
و فيه شيء واحد بس بغيت اسألكم فيه للي جربوا ابرة الظهر هل مكان الابرة المه يطول ولا يروح بسرعه ؟ 😅طبعا ماراح اعتبره شي سلبي لكن بس بغيت اتطمن لان لسه يألم وما اقدر انسدح او اجلس لازم على جنب نومي وجلستي
..
ونسيت اشاركم اخر بشارة ربي😭 قبل ماطلع من المستشفى وانا انتظر زوجي . جاني ايميل ان التأمين تمدد لشهر قدام❤️❤️ يعني الحمد الله على نعمة التساهيل يارب ربي يسهل عليكم جميعاً