بنات اللي مرت بنفس ظروفي يا ريت تساعدني

الله يفرج همّـك وهم كل مهموم يارب

تسلمين حبيبتي

كرري دعاء الهم والحزن روعة وراح يغير حياتك بحول الله وقوته
اللهمم إني عبدُك ابنُ عبدِك ابنُ أمتِك، ناصيتي بيدِك، ماضٍ فيّ حكمُك، عدلٌ فيّ قضاؤُك، أسألُك بكلِّ اسمٍ هو لك سميتَ به نفسَك، أو أنزلتَه في كتابِك، أو علمتَه أحدًا من خلقِك، أو استأثرتَ به في علمِ الغيبِ عندك، أن تجعلَ القرآنَ ربيعَ قلبي، ونورَ صدري، وجلاءَ حزني، وذهابَ همِّي وغمِّي).[١] (اللَّهُمَّ إنِّي أعُوذُ بكَ مِنَ الهَمِّ والحَزَنِ، والعَجْزِ والكَسَلِ، والبُخْلِ والجُبْنِ، وضَلَعِ الدَّيْنِ، وغَلَبَةِ الرِّجَالِ).[٢]

وهو ثابت عن النبي صلى الله عليه وسلم

اولا صلاتك واستغفارك لا تتركيها ابد انا مريت بنفس وضعك زوجي شرى بيت وتازمت ضروفنا وصرت فعلا عصبيه وحبوب منع العمل والضغوطات والبيت والعيال وكنت على طول متوترة وكنت احاول ارتب حياتي ولا تترتب
بس لو جلستي شوي وفكرتي بتلاقي ان كل اللي انتي فيه يبغاله بس شويه صبر وتفكير ان مافي شي يستاهل اننك تتضايقي عشانه وانه سعادة اطفالي وزوجي اهم من اي شي
طبعا انا اقولك وانا كنت لسى بديت ارتب اموري واحاول اطلع من الفوضى اللي كنت احسها من الضغوطات وطبعا الله يخلي لك زوجك وعيالك
انا توفى زوجي وانا لسى اقول بكره باسوي وبكره بافعل واسيطر على عصبيتي بس مالحقت اسوي اشباء كثير وندمت على الوقت اللي ممكن كنت زعلته فيه لاني كنت اعصب من اي شي في هذي الفترة اللي انضغطنا فيها مع انه كان يتحمل عصبيتي اسال الله لوجهه الحنه ندمت كثير كثييير
ما استشعرت النعم اللي عندي وبعده حسيت ان كل شي كان تافه جدا كان بدل العصبيه شويه صبر وابتسامه كنت ممكن اكسبها مع زوجي واطفالي افضل
فانت لو فكرتي الحين ان ممكن بكره تفقدين احد الله لا يقولها والله يخلي لك زوجك وعيالك
بتشوفين ان الاشياء اللي نجري وراها جدا تافهه والدنيا والضغوط كنا نقدر نصبر ونسيطر عليها ونقدر نسوي اشياء كثيؤ ونستمتع باليوم اللي يمر واحنا بخير مافقدنا احد ولا احد مرض يعني الايام العاديه اللي كانت تمر عاديه المفروض نحسها نعمه كبيرة جدا انك تصحين بس وانني بخير وعيالك بخير وزوجك بخير واهلك بخير يخليك تكونين ملكتي الدنيا ومافيها ضحكاتهم لعبهم حولك تخريبهم صراخهم زعل زوجك منهم يتضايق يشاكسك شوي اما الاشياء صغيرة اللي نكبرها احنا تترتب وتتعوض
طولت عليك اسفه ما ابي احزنك بس والله حتى الفوضى اللي انني فيها وضغط الاطفال نعمه اسال الله الا يحرمك منها ياحبيبتي ابتسمي وانبسطي حتى لو البيت ماكمل تنظيفه حتى لو خربو العيال حتى لو انظغطت شوي والله نعمه استشعريها وبتتغير حياتك
)استشعري بس النعم (

استغفري كثير والله يفرجها عليك
طبيعي اللي تمري فيه من الضغوط وخصوص لو الزوج مايساعد
خلي القران شغال في بيتك على طول سبحان الله يريح النفس
امشي كل يوم لو نص ساعه
أطفالك اهم شي نظافتهم الشخصيه واكلهم وبس لا تضغطين نفسك زياده حالياخليك بس ع الأساسيات قد ماتقدري لين ماتخرجي أزمتك
قابلي صحباتك إذا ماهم في منطقتك اتصلي عليهم
لازم تجلسي مع زوجك وعلى رواق شوفوا لكم حل للماده ترا الرجال فاشلين في الصرفية الحريم مدبرات
غيري أماكن الأثاث فيبيتك غيري نوع قهوتك 😂😂اي شي لو بسيط يأثر في النفسيه
العبادات أهمها الصلاة حااااافظي عليها وجهادي نفسك عليها
والله يجعلك من كل ضيق مخرجااا ويصلح حالك وحالنا ياكريم🌹