🎈 تباشير 1 لمواليد مارس٣ وابريل ٤ لعام ٢٠٢١ 🎈

احتفظن بالصور ياحلوات


ام الحلو وهدى شوفن البوست
َ

حلو تمام الله يجزاك خير ❤️❤️❤️❤️
مره كنت شايله هم باعتمده باذن الله لانه مره اتضايق من الترهلات بعد الولاده صح اقدر اشدها حتى لو بعد الاربعين بس اتضايق طول هذه الفتره الى ان تنشد

بنات شوروا علي انا بولد ببيتي ان شاءالله وانا بمدينه لحالي بحكم شغل زوجي وعندي ولدين الصغير عمره سنه ونص ولقيت ارقام شغالات شهري بس كلهم ماينامون عندي او يومي او بالساعات ولايعرفون طبخ بس تنظيف يعني مابهن فايده انا ابي وحده تسويلي فطوري وغداي😖 وبرمضان مااتوقع القى حريم يسون المهم جا فبالي خلاص اكنسل الشغاله خساير عالفاضي لاني انا مااحب احد يهتم بالمولود غيري اخاف مررره موسوسه بس بنفس الوقت شايله هم اني مااقدر 😣 وهنا بس فيه شركة راحه ومافيه الا ثلاث شهور وجنسيه اوغندا بس ليته فلبينيه وانا ابي شهر بس شلت هممممم من الحين

بالضبط المشد هذا روعه تلبسينه فقط ٨ ساعات باليوم وتفكينه ممنوع وقت النوم تلبسينه
من اول يوم ولاده طبيعيه يشد الجسم والظهر
بس القيصري ما انصح الابعد كم شهر لان تخافين من اضراره وتلصقات

*** ((جدول النفاس)) المواد المطلوبه:
مطحونه____ كامله
1- المطحونه: حلب -- ماش -- قشر رمان --فلفل اسود
2- الكامله: رشاد -- قرفه -- كمون -- ورق زعتر -- حبه سوداء--
3- عسل -- تمر -- زنجبيل مبشور (الرشاد لايغسل.. فقط ينقى) ***
بعض التفاصيل المهمه للإعداد:
1- المواد المطحونه يجب الحرص على شرائها جديده وكامله ثم تنقى وتغسل وتجفف ثم تطحن بعد تجفيفها ثم تحفظ في علب بلاستك محكمةالاغلاق وتكتب عليها اسماء محتوياتها..
ماعدا الحلبة لاتغسل نعم بتتعبين لكن ثمرة هالتعب تستاهل وبتعجبكم بإذن الله.. ***
2-المواد الكامله نحرص على تنقيتها وغسلها وتعريضها للهواء لتجف. ***
3-العسل لاتشتري الغالي على اعتبار انه الاصلي وفي الغالب للأسف يغشون بغذاء النحله لتنتج لهم بوفره بغض النظر عن جودة الانتاج.. وانا اشتري من مده العسل الالماني langnese لانه ثبت بشهادة مربي نحل خبير انه الاصلي..
4- التمر ممكن استخدامه معجون او عدل كله مفيد بس لقيت المعجون اطعم واشهىللأكل بس اذا كنتي بتلقين شي نظيف ومن ثقه..
5-الحبه السوداء تخلط سبع حبات مع العسل وتؤكل كل يوم ملعقه على الريق من يوم الولاده الى 30 يوم..
6-المره تجهزين علبة مويه صغيره فيها محلول مره تشربين منه وانتي في طريقك للمستشفى للولاده..واذا ولدتي تشربين منه علشان ريحةالعطور ممكن تسكر الرجم وتتعسر الولاده لاسمح الله والسبب هو الشمم.. وخلي معاك كسره صغيره حلتيته شميها اذا وصلتي المستشفىوادهني خشمك منها لأنها تساعد بإذن الله في فتح الرحم بسرعه ويسر.. والله الموفق.
*** المشروبات اليوميه في فترة النفاس:
1- الصباح حليب مغلي محلى بعسل ومعاه فلفل اسود < مع الفطور
2-شاي زنجبيل + قرفه < بعد الغداء او بين الوجبتين
3- شاي الزعتر في الليل قبل النوم
4- الرمان المطحون المضاف للعصير او المعمول كشاي تستخدمينه بعد ماتنشفين من الدم لحد ماتطلعين..
5-قهوه وقت المغرب معها مره كل ثلاث ايام تستخدمين المره واذا كنتي تاخذين مضاد حيوي ماتستخدمين المره ابدا لأنها تبطل مفعولالمضاد..
الوجبات:
1- الفطور: عندي خيارين بالنسبه لي هما: * سندويشة بيض مقلي مرشوش عليها ملعقه كبيره حلبه مطحونه +فلفل اسود **
خبزه بالمقلاة عباره عن(بر+حلبه+حليب بودره+ملح+سكر+بصله) تعجن بماء وتدهن بعد ماتجهز بعسل وتؤكل بالعافيه. ***
تمر + حليب اللي سبق شرحه.
] آخر عشر ايام من النفاس راح يكون الفطور
تمرمقلب بزبده على نار خفيفه معاه رشاد..
تشربين معاه قهوه او حليب اللي يعجبك..
2- الغداء: *مرقة لحم مع خضار **مطازيز ***شوربة كويكر مع قطع لحمه لما تغرفي الغدا لأكله ضعي عليه ملعقتين ماش مطحون انثريهفوقه وكليه بالعافيه مع الحرص على اضافة الفلفل الاسود كذلك..
3- العشاء:
1-تمر+حليب
2-اي فاكهه تشتهينها
3-سلطه خضراء او تبوله
4-ممكن وجبة اسماك من اي نوع تحبينه
.. النظافه الشخصيه: *
الهدوء في الحركه اول اسبوع مهم جدا
والحرص على عدم رش منطقة الخياط بالرشاش..بل رشها باليد من بعيد حتى تسقط الخيوط.. **
عدم استخدام المره بتاتا كغسول حتى تسقط الخيوط لأنه يشدها .. بل تمسح بمحلوله الفوطه كل ماحسيتي بحكه.. ***
التشطف بماء وملح يوميا بدون المبالغه بكمية الملح .

هذا ماعندي باختصار وبدون تعقيد وعند الالتزام به سترون فائده عظيمه بإذن الله تعالى.. الله ينفعني واياكم بما علمنا.. ويسهل عليناويسخر لنا ازواجنا ويهدينا ويثبتنا على الحق الى يوم نلقاه انه ولي ذلك والقادر عليه..

شاي الزنجبيل سهل وممكن تحطين معاه قرفه وممكن بدون.. الطريقه: 4 اكواب مويه 3 ملاعق كبيره زنجبيل مبشور عودين اوثلاثه كبارقرفه..واذا كان مطحون تكفي ملعقه .. بعد ماتغلي المويه نحط الزنجبيل والقرفه ونخليها تغلي خمس دقايق بس.. ونطفي عنه وممكن تضيفينله سكر حسب الرغبه.. وبالهنا والعافيه.. ***


الزعتر الورق: ملعقة زعتر ورق مع 4 اكواب مويه بعد مايغلي الماء نصبه على الزعتر الورق بدون طبخ.. نخليه يخمر عشر دقايق.. نضيف لهسكر حسب الرغبه وبالهنا والعافيه..




منقول
للي تحب تسوي الاعشاب بنفسها 🙂🙂