شاركي في النقاش

سجلي الدخول لإضافة تعليق.

التعليقات

983

  5. @amom_bkl_alhb

    الحمدلله هذه قصة ولادتي
    شفتم يوم الاربعاء كان موعدي وقتها كان زحممه مره وقمت استغليت الوقت ومشييت لماتعبت ولما جاء دوري دخلت وكان الدكتور اسلوبه سيء مره و يرد ع اسئلتي باسلوب غريب 🙄😐
    رجعت ونفسي مكسوره ونفسيتي تعبااانه وشايله هممم مرره هم ولدي الصغير وهم اني اخلص التاسع ومامعاي اعراض ولاده
    تغديت والعبره خانقتني ولاتكلمت ولابكلمه وبعدهاا انشغلت بالمنصه مع ولدي وجاء المغرب وانا واصله حدي جلست ابكي وادعي ربي دعاء المضطر من كل قلبي يااارب فرج همي واكتب لي الولاده السهله الميسره ياكريم😭
    وبعدها غفيت ساعه وصحيت ونظفت البيت وبدأ معايا المم
    فرررحت حسيت الفرج قريب بس كان مره خفييف ومتباااعد ومافيه ايانتظام
    قلت بنفسي اكيد طلق كاذب متبااعد وبعدها يختفي ويرجع بعد ساعه تقريباً مع تحجر
    عموما مااخذت بالي منه وكملت نظفت البيت كامل🏃🏻‍♀️
    وتعشينا وسويت لي كوب يانسون ونومت عيالي وحسييت بارهاق ونمت
    صحيت الفجر من الم الطلق
    قلت معقوله كل ذا طلق كاذب
    توضيت وصليت وفطرت وكانت تجيني الطلقه و اوقف مكاني مااقدر اتحرك هنا تاكدت انه طلق ولاده
    قمت ادعي واتنفس مثل ماقالت رولا واحاول اكون هاديه عشان مااتعب من البدايه
    واخذ نفس عميييق اول ماتجيني الطلقه و اطلع الهواء بهدووء والله يابنات سحررر تخفف الالم مررره غير الهدوء افضل من التوتر والصياح
    صبرت للساعه٧و صحيت زوجي
    شافني هاديه مومثل ولاداتي اللي قبل كنت اصيح😂
    فحس ان الموضوع باقي مطول
    وقمت انا امشي واذا جاتني الطلقه تنفست تنفس عميييق
    وبعدها رحت اخذت شور سريع وركزت المويه الحاره على ظهري وكلما فكرت اروح المستشفى طلعت لي اي شغله ما ودي اروح 😂🏃🏻‍♀️
    وصبرتللساعه١٠وبعدها معد تحمملت وقلت لزوجي يله
    ومشينا ع المستشفى
    وفي السياااره حسيت الالم زاااد واصبر نفسي و احاول اهدأواذا جاء مطب قمت اتمسك في جوانب الكرسي وبيده واقوله بشويشششش صار يمشي ع مهله يحاول يخفف المطبات الظاهر كل اللي حولنا عرفوا انه في السياره حاله ولاده😂🏃🏻‍♀️
    وصلنا الحمدلله وخلصت الاوراق سرييع
    ودخلوني ع غرفة الولاده و الحمدلله ساعتين بعدها وولدت قبل اذان الظهر


    تعبت شوي في الدفع كنت احس بتششتت كلهم يكلموني بنفس الوقت قمت اغمض عيوني واركز في عضلة المهبل واخذ نفس وادفععع لان لما اشوفهم واسمع نصايحهم اتشتت والراس كان مرتفع طولت شوي في الدفع بس بعدها شفتها حبيبتي واختفى كل التععععب اللهم لكالحمد🥺❤️❤️
    والدكتوره كانت متعاونه الحمدلله كملت خياطه وخلصصصت اعظمم شعور وقتها تحسين بالفرج الحمدلله
    بنتي جاء وزنها ٢ كيلو و ٧٠٠ نتفه وبالاشعه كان ٣ كيلو وتيسرت وانتهت قصة حملي الثالث👼🏻💕

    اهم شي اوصيكم بالدعاء ثقي ان الله مايجمع عسرين واحسنوا الظطن بالله لاتتوقعون الا الخيرر ❤️❤️
    نصيحتي لكم بالتنفس وشرب الماء خلي معك علبه مويه اشربي منها كل ماحسيتي بالعطش
    وبس حبيباتي الله ييسر لكم ولاداتكم واسمع بشاراتكم قريب يارب❤️
    والولاده تجي فجأه نشيل همها اسابيع وشهور وتجيك في وقت ماتتوقعينه سبحانالله.

تابعي تجارب أخرى من هذا القسم.