👼🏻🤍 التباشير 2 لمواليد مــ3ــارس & أبــ4ــريل 2021 🤍👼🏻

ياعمري انتي ، من اللي ماتتعرض لموقفك كلنا مرينا باللي مريتي فيه وطبيعي اتوقع تفكرين بذا التفكير ، بعد الولاده مرحله شويه صعبه بالذات للي تفقد جنينها ، اقول كذا لأني مريت بنفس تجربتك ،
و من اللي استشفّيته من رسايلك انك كنتي حنوووونه عليه مرره ومصرّه عليه مهما كانت حالته يعني هو محضوووض بامّ زيك حتى ولو كانت الفتره اللي قضاها معاك مو طويله والحمد لله على قضاءه ربي اراد لك وله الخيره

قمر شيلي من بالك هالافكار كل الي صار قضاء وقدر مافي يدك شي
وبقولك صديقتي ٨ سنوات تتعالج عشان تحمل وحملت طوال٩ شهور مرتاحه اهلها جهزو استقبال ماتتخيلينه
راحت المستشفى قالت عمليه مابغى يتعب او يجيه شي وفعلا تنومت والصباح عمليتها
وقبل يدخلون العمليه صلحو تخطيط اخير وكانت الصدمة الطفل متوفي كان بينها وبين العمليه نص ساعه بس عشان تشوفه
نادو زوجها واختها وبلغوهم يمهدون لها يعلمونها ماصدقت يغمى عليها وتصحى ويغمى عليها مره ثانيه على هالحال الى ٣ العصر بعده فاقت وقالت بطلع للبيت راحت وتصدقت بالطريق ولما وصلت كل خواتها ينتظرونها يبون يواسونها قالت مافيني شي تماسكت وجلست الى الليل وطلعت للمستشفى وقالت ولدوني طلعوه مني وفعلاً ولدوها طبيعي وطلعت وهي راضية وجاها سكينه وطمأنينه لدرجة قالت لاخواتها شيلو اغراضه لاخوه الي بيجي ربي جالس يختبرني هالكلام في شهر ٢ هجري
قالت برتاح وبرجع للعلاج مره ثانية لكن ربي كريم حملت بدون علاج ولا تدخل طبي وجابت ولد وعوضها ربي وبعده حملت وجابت ولد بعد وكلهم بدون علاجات
رحمة ربي اوسع مما يتخيل الانسان ورحمته فينا اكثر من والدينا انتي خليك راضية زي ماعهدناك وكلي امرك لله بيعوضك خير مما فقدتي ويربط على قلبك والحمد لله صغيره والعمر قدامك وعندك اطفال حولك والله يسخر لك زوجك ويرده لك رداً جميل

شيوم الله يقر عيونك بشوفته سليم معافى ماشاءالله ذوووق🤙🏻😍

اماني ابراهيم الف مبروووك المولود والحمدلله على سلامتك ..♥️

بنات انا مكان الخياطة يجي عاليمين شوي متورم مدري من الحمل او فيه شي لمسته ومافيه ألم عادي او لا والله مااحب اكشف طمنوني 😖