يارب اموت وارتاح من هذي الحياة

مايكفي تكوني كافيه خيرك وشرك لازم تتقربي من امك وتتودين لها
محد يعلم بالنوايا بس ماقالتها من فراغ يمكن صار موقف وأنتي سكتي وهي أخذت موقف منك
لازم البنت تتودد للام بالكلام مو بس اسوي الشغل اللي علي وكافيه خيري وشري لا. الام ماتحب بنتها تحسسها انها قويه ومستغنيه عنها لا سكوتك يحسسها انك مستغنيه كلميها كثير وتقربي منها ومن هالكلام الحلو تكسبينها
ياما في بنات شايله يدها من شغل البيت وتلاقينها فاقعة مرارتها أخواتها المكروفات بس عند امها محبوبه لانها بالمختصر بياعة كلام ومنافقه درجه أولى ومحسس امها انها مالها غيرها والام تقوم البيت وتقعده عشان هالبنت المسكينه 😂😂 بس انتي توددي لها وطيبي خاطرها وفتحي قلبها لها ابتغى لمرضاة الله

استغفري ربك

استغفرالله وش هذه الام
الله يصلح حالكم و يحقق معاكي و يعوضك عن كل دقيقه بشي جميل

بقولك شي ترا سوره البقره لحالها ماتكفي انو ربي يستجيب لك لازم تتركين المعاصي كلها سواء عقوق اغاني سب غيبه والصلاه لازم في وقتها وغيرو من هالاشياء وكمان لازم تستغفرين كثير اذا تبين تشوفين نتيجه .. هذا شي .
انا عندي ام زي امك ويمكن اخس منها بعد هذا غير الامراض اللي فيني حتى لو بغيت اتزوج ماقدر اتزوج بسبتها حياتي زفت بمعنى الكلمه والله ممتحني ب اشياء كثيره في حياتي من ولدت الى يومك هذا ماني قادره انبسط ماني زي البنات ساكنه مع امي وابوي منفصلين ومشتته بينهم ماني مرتاحه مع ابوي بسبه زوجته ولاني مرتاحه مع امي تنكد علي ٢٤ وماتعطيني مجال ابر فيها تطلع الواحد عن طوره
هذا غير عقدي النفسيه بسبه المشاكل اللي تعرضت لها من ولدت الى يومك هذا تنمر وتحرش وعنف مليون شي خلت مني انسانه ماتعرف تاخذ حقوقه وانسانه ضعيفه
حرفيا والله واللي رفع سماء وانزل سماء انو مايمر علي يوم الا ويصير شي ينكد علي لازم لدرجه اني اذا انبسطت يوم واحد بدون نكد اخاف واحس بيصير شي حياتي صارت رعب حرفيا
وماني قادره ادرس جامعه مانقبلت مع انو درجاتي بالتسعينات
ماني متوفقه بحياتي كل شي متعسر علي مادري وش فيني والله لو اني مااصلي واصوم واقرا قران كان قلت اني مسحوره لانو حياتي مو طبيعيه كل الناس صارت تلاحظ علي هالشي ويقولون عني اني مالي حظ ومنحوسه ووين مااروح اكسر خاطر الناس بالذات الحريم صرت اكره اقول مشاكلي ل احد اكره نظرات الشفقه هذي اللي اشوفها بعيونهم ماني قادره انبسط بحياتي احاول قد ماااقدر اغير جو بس الا مايصير شي ينكد علي ويقلب يومي ترا هذي نبذه من حياتي لو اقول كل الاشياء اللي فيني حاليا مابوقف وبيشيب راسك
حبيت اقولك هالشي عشان حياتك تهون عليك انا اللي مفروض اتمنى الموت لاني خسرت كل شي بحياتي ماعاد بقالي شي محرومه من اشياء كثير والحمدلله على كل حال مظلومه ومغبونه بس مابيدي شي
الله يرزقك الزوج يعيشك الحياه اللي انتي تتمنينها
ويرزقني راحه البال ويفرج همي