التجمع ( ١٧٤ ) للمقبلات على عمليات أطفال الأنابيب والحقن المجهري

ابتعدي عن التوتر وتابعي مع الدكتورة تشوف الهرمونات والتكيسات لانها هي سبب حوسة الدورة.

الله يبارك لك بهذه التجربة ويرزقك منها اولاد وبنات يعوضوا صبرك

مساء النور ، اذا تضاعف الهرمون كل ٤٨ ساعه بيكون شيء مطمئن . وبالنسبه لرفع الهرمون مافي شي يرفعه الا اذا كان الحمل سليم بيرتفع من نفسه .

الله يسهل لك يارب ويرزقك توأم . ايه اساليه وانشبي له بعد من ابسط حقوقك .
لمن تتكلمون عن دكتور بندر وان التواصل والمتابعه عن طريق المنسقات استغرب . خير ان شاء الله ليه ما تدخلين عليه في كل متابعه دافعين الناس دم قلبهم وبالاخير المنسقه توصل له ايش تطوراتك !!!
انا اشوف مع دكتورتي في كل مره ادخل عليها غير انها اعطتني الواتس حقها وترد علي دائما على اسفساراتي .
ابسط حقوقنا 😏

توكلي على الله ولا تخافين ، اقري كثير وثقفي نفسك .
انا زيك اول مره سويت سحب كنت متفائله واحاول استمتع بلحظاتي كلها وكان عندي يقين وحسن ظن بالله بانه بيكرمني مع اني كثير اقرا تجارب فشل بس ماحطيتها في بالي .
اول مره سويت السحب سبحان الله ما صار عندي ترجيع طبعا مره تضايقت بس حمدا ربي وشكرته لانها الخيره لي اكيد
المره الثانيه كانت التجربه علي اخف من الاولى لاني جربتها وبعد كنت متفائله جدا ومحسنه الظن برب العالمين ، وبعد جا الارجاع كانت تعتبر اول تجربه كانت جميله واستمتعت وانا اشوفهم يرجعون الاجنه واعتبرت نفسي اني حامل 😇.
فترة الانتظار كنت الحمدالله سعيده ومستمتعه ولا قعدت افكر بأعراض او استنى شي يكون علامه للحمل كنت متوكله على رب العالمين .
والحمدالله من قبل ومن بعد حللت وطلعت حامل
والله يا بنات الاستمتاع والتفائل وحسن الظن هو الاهم ابعدو عن التوتر مايلخبط الهرمونات الا هو .
ياذا الجلال والاكرام اكرم اخواتي بالحمل السليم الثابت وارزقهم الذريه الصالحه وتمم علي حملي وعلى كل حامل 🙏

سويت تجربة تلقيح صناعي فشل
وبعدها تلقيح مجهري نجح اول ترجيع واجهضته
بعدين رجعت مجمد وفشل
وجيت بارجع مجمد مره ثالثة بس بطانتي خربت بعد الاجهاض ودخلت بحوسة ثانية