سفر زوجي لأهله

السلام عليكم ورحمة الله ، كيفكم خواتي ؟
جايتكم ابي شور ونوعاً ما افضفض لكم لاني اعرف هالمشاعر اذا تجمعت وانكتمت بتنفجر بيوم من الايام وتكون النتيجة سيئة ،،
انا وزوجي علاقتنا طيبه ولله الحمد وموفرلي اغلب طلباتي ومحترم معاي ومع اهلي بالمقابل انا زوجة وام باذن الله اكون ماقصرت معاه ومع عيالنا .. زوجي بس فيه عيب من تزوجته للان كل مشاكلي تقريبا معاه عليه .. زوجي كل اوف ( اوفه متفرق كل اسبوع يومين واخر الشهر مره 4 ايام ) كل اوف ابو 4 ايام يسافر لمدينة اهله تقريبا بشكل شبه شهري يعني ان طول ماراح حده شهرين بس وغالبا ماياخذنا معه بحكم ان اهلي عندي بنفس مدينتنا اما اروح لهم او ابقى ببيتي .. يروح عزابي لاهله وانا هالشي يتعبني نفسيا لعدة اسباب ، لانهم الظاهر لي منهم انهم مايحبوني واطفالي ولا عمرهم سالواا عنا ولاشي ودائما يحرضونه بافكار غريبه يزرعونها بعقله من تحت لتحت ضدنا وهو جدا يصدقهم ويتبع رايهم ايا كان ويجيني مقلوب راسه ومتغير طبعا ماله اهل هناك الا خواته يعني متزوجات .. شوروا علي والله كل شهر اشيل هم وغالبا لا راح هناك نتمشكل بسبب هالشي .. وضعه هناك يسحب ويتصل اخر اليوم او اذا صحى يعني حده مرتين باليوم اذا قطع نفسه وباقي اليوم سحبه طبعا ولا يجلس يصور لي بزرانهم ، وهم يرفعون ضغطي انهم يصورونه سناب ويترززون فيه ويخلونه يدلع عيالهم ويطلعهم ويستغلونه ماديا جدا ويجيني يقعد يتشكى ويزرعون افكار براسه انهم الاهم يعني وهم باقي الشهر والله مايكلمونه ولايدرون لا عنه ولا عننا مجرد استغلال .. والله العظيم يرجع لي متغير ومادري شسوي واذا رحت معاه يجلسون يطقطقون ليه مايجيبكم ويسحب عليكم والخ يستفزوني !! وهم عارفين اني مابقدر اجي معه بكل جيه اصلا تعب عليى وعلى عيالي وهم مايستاهلون والله ، ابغى منكم كلام بس يهديني لان عارفه مافي حل لروحته هذي بس ابغى منكم شي يخليني صدق انساه واسحب ع الموضوع واخليه يحس انه مب فارق عندي