سفر زوجي لأهله

هو اغلب الاحيان يستثقل روحتنا وكذا مره قريت بجواله يبونه يجي لحاله وبرضو ان صار ورحت يسحبون علينا تماما وان عزمتهم نطلع او نتقابل مايرضون ف غالبا صرت اعز نفسي من الروحه الحب مو غصب بس بعد مو منطقيا كل شهر يروح ويرمي الجمل بما حمل

واذا متوفين .. يقطع نفسه من أخوانه وأخواته ..

عمام عيالك هذولا بكرا تجمعكم سفره وحده وانتي مشتطه بس ..

الوحده تزوج وتطق ام الرسميه واذا صارو معاها رسميين قامت تفلم على نفسها وزوجهاااا ..

خلاص اهلك بديرتك روحي معهم وتعالي وانبسطي .. ليه غير هو تبينه مايروح ..

اخوانك يعزمون زوجك وابوك .. ؟؟ يسهرون ويضحكون معه مثل ماتكوني انتي متواجده معهم ..

وضع زوجك عادي جدا وطبيعي وعلاقة كل شخص بأهله والمفروض تفرحين انه وفيّ واصيل وواصل وهالنوع من الناس يكون وفي في كل علاقاته حتى معك كروجة ومع اصحابه موبس اهله
فرصتك يروح لأهله وانت تهني بأهلك وخذي راحتك الاجازات المتفرقة بين الزوجين تجدد الحياة الزوجية وتنشطها
يعني المفترض كل ما رجع يلقاك متجددة حيوية ومجهزة له شي يحبه ليشتاق دائما للعودة اليك ،،
احذري انك كل ما رجع قابلتيه مبوزة وزعلانه ومتشرهة عليه تراك انت بتصرفاتك تكرهينه فيك وتظنين ان اهله يسلطونه عليك ،، ان بعض الظن اثم
الموضوع وما فيه ان غيرتك على زوجك زايدة حبتين لدرجة ماتبين اطفال اخواته يصورونه وهو يدلع بعيالهم ،، يمكن خايفة احد يعجب به او شي ،، انت عززي ثقتك بنفسك واذا مرة خايفة عليه قوي علاقتك بأهله وبيضي قلبك تجاههم بدل انك كارهة ختى اطفالهم وترى الكره والضغينه يضر قلبك انت ، وروحي معه اغلب المرات وحببيهم فيك شاركيهم حياتهم واشعريهم انك وحدة منهم ،،،
اما اتصال زوجك بك اول ما يصحى او بآخر اليوم شيء طبيعي انه يتفرغ لمكالمتك اذا صار لخاله وطبيغي انه بوسط النلس والزحمه ما يتصل وينشغل وجمّل الله حاله يكلمك باستمرار ،، الله يصلح حالك لا تسمعين لوساوس الشيطان ترى الشيطان هدفه تفرقة الزوجين وهذي تكون البدايات

يا اختي شفيك هجوميه كذا ؟ انا ارد لان في ناس كاتبين مالك حق تحرمينه من امه !!

وشفيك كانك بوسط حياتي وتتكلمين بكل ثقه !! اذا عندك عقد ومشاكل شخصيه بمجتمعك لاتجين تفرضينها علي وتهاوشين اما ردي باحترام وحياديه ولا لا تجبرين حالك !

من قالك اني طقيت الرسميه ؟ شفتيني كنتي معي ؟ انا 7 سنين احاول واحاول واحاول اتواصل يمين بايات الله العلي العظيم اني حتى اذا ولدت ماحد يتصل يبارك يكتفون بواتس بعضهم وبس وماخليت شي ماسويته وشخصيتي لطيفه ومرحة بس خلاص اذا لقيتي صد شي طبيعي تصيرين رسميه وبرضو للان ماشافوا مني الا الخير ومحترمه معاهم ! وايه نعم اخواني يعزمون زوجي ويحبونه ويوقفون بصفه اكثر مني للاسف وتوه امس رايح مسير على ابوي لانه مشتاق له والله العظيم ماشاف من اهلي الا المحبه والطيبه والخير

وانا ماقلت مابيه يروح قلت ابي كلام يخليني الهى وانسى وودي يخفف الروحه


الوحده لو ينام زوجها بالمجلس تنهبل وتجي هنا تهايط وتستقوي ع غيرها الحمدلله ياربي بس

لا عادي يروح لأخواته ويجتمعون

وأنتي غيري من الروتين مع عيالك

أو جهزي الكيك والحلى وروحي لأهلك العشاء عندهم