التجمع/١٧٥/للمقبلات على الحقن المجهري واطفال الانابيب🌹💉🧪

والله الليله اللي قررت اسوي فيها تحليل من بكرا بالصباح( بيكون اليوم السابع) اني ما نمتها زين كلها هواجيس وخايفه وكنت موصيه زوجي يجيب تحليل وحسيته بينسى . قلت ان صحيت ولقيته شاريه بحلل وان نسى خلاص ما اراح اسوي .
لمن صحيت لقيته جايب لي تحليلين ومخليهم عن مغسله الحمام عشان اشوفهم اول ما اصحى 🥺
حللت وانا خايفه بس حاطه في بالي لو مابان فهو مره بدري . بس سبحان الله طلع الخط الثاني على طول ماصدقت عيني قلت شكلي غلطانه او يمكن من الابره التفجيريه ( مع انه عدى عليها ١٠ ايام ) وكنت مبسوطه بس مو متأكده ومن ثاني يوم ( الثامن) رجعت سويت التحليل وطلع نفس الخط وفرحت بس بعد استنى تحليل الدم باليوم العاشر وطلع الهرمون مرتفع اللهم لك الحمد .
يارب يا كريم يتمم علي وعلى كل حامل ويرزق كل مشتهي وكل محروم هذا الاحساس . يارب كلهم تشوفون الخط الثاني عاجلا غير آجلا وتعيشون احلى شعور

الله يتمم لج يارب وتشوفينه في حضنج سالم معافى بعد ٩ شهور يا رب ❤️

بنات شفتم تغريدة الدكتور خالد النمر
يوصي باضافة فحص الخصوبة ماقبل الزواج
قسم بالله قرأت تغريدته وانا زوجي متنا ضحك
عشان تعرفون مو اي دكتور دكتور من صدق شكله سباك
لو يعرف ويتعمق بمشاكل هذا العلم كان عرف ان في ازواج زي حالتي انا وزوجي طبيعين وسليمين جددداً ومع ذلك ماحنا قادرين ننجب وفي الجانب الاخر ناس عندهم كل امراض الخصوبة وعيالهم بالدرازن !!
حقيقة دكتور متخلف وراح يسبب مشاكل كثيرة لعوائل كثيرة

الاعراض ما هي دليل على شي وكل من تجيه شكل سبحان الله - تفائلي وكثري الدعاء ولا تفكرين كثير وفالك الحمل ان شالله.

صاااادقه ما شفت مثل تنسيقهم وترتيبهم وتعاونهم وحنيتهم ما شاء الله

ويعطونك فرصه لسوال واخلاقهم بسم الله عليهم من دكاتره وممرضات الله يسعدهم دنيا واخره ويجزاهم الجنه