حطوا نفسكم مكاني

السلام عليكم
والله مدري اذا افضفض اولا لاني اخاف تمر السنين واندم بس ان شاء الله خير
بس والله محتاجه افضفض
الموضوع يمكن تشوفونه تافه بس هي تراكمت كل مره اعدي ويزيد القهر في نفسي واكتم
ابكم تحطون نفسكم مكاني وتقولون اوش بتسوين لو مر عليك الموقف
انا متزوجه من شخص مطلق من سنين
المهم خرجنا نتمشى وهو يشغل اغاني رومنسيه وشوي قلب على اغاني حزينه عن فراق الحبيب وصعب نسيانه الا والرجال كانه يقلب صوته كانه يبكي المهم ماقدرت انظر خفت انصدم بس واضح كانه بكى قعد يمسح خشمه وصوته تغير قلت وش فيه صوتك تغير قالي مدري بس انا ماتكلمت ابدا بس زعلت في نفسي وماتكلمت معه بداقالي ويش فيك كانك زعلانه قلت مافي شي قال انت من نفسك تزعلين بدون سبب دقي راسك وزعل علي ونام
الحين اوقلت السبب الحقيقي لزعلي له بيقلب الطاوله علي ويقول انت موسوسه مجنونه
هل انا غلطاانه

27 تعليق 5,760 مشاهدة

شاركي في النقاش

سجلي الدخول لإضافة تعليق.

التعليقات

27
  1. @mkrmshat_sltaa

    اغلب احوال المطلقين يكون له ماضيي وذكريات طبيعي هالشيء وانتي من تزوجته عارفه وضعه طنشي ابد وغيري الجو مع والوقت ينسى ..واحيانا يسوون هالحركات يبي بحرك المشاعر ويشوف الغيره 😄 ابد طنشي وعيشي عمرك ولا تحرقي دمك تتعب نفسيتك وتكبرين قبل عمرك
  2. @am_mlk_1_1

    لا عاد مو لدرجه هذه حتى المشاعر بنتحكم فيها🤦🏻‍♀️
    ومو شرط تكون طليقته يمكن قريب او صديق متوفى اومفارقه 🤷🏻‍♀️
  3. @tranym_2016

    احسني الظن وغيري جو معه لان لمن تعطين اهميه باالموضوع هو بيحسه شي كبير ودايم بيفكر فيه اما اذا خلتيه شي تافهه فينساه
  4. @aaoatf_trky_2

    وعليكم السلام
    تعرفين الشيطان ؟
    تعوذي منه واذكري الله واستغفريه وعيني خير
    ترى بالنهايه زوجك انسان له مشاعر وماضي وذكريات اذا طرت على باله يمكن يتأثر وتدمع عينه لثواني ثم ينساها ويكمل حياته
    لكن انتي شيطانك ما اخذ معك وقت على طول جهزتي الطنقره والزعله وتبين تتعمقين حتى في خياله ومشاعره وتستقعدين له عشان تسوين معاه مشاكل على شي اتفه من التفاهه عشان كذا اقول تعرفين الشيطان ؟ تعوذي منه وارتاحي
    الماضي راح وانتهى بحلوه ومره وصار مجرد ذكريات ، والحاضر كل ماكان جميل ينسي الماضي وسنينه
    فلا تنكدين على نفسك ولا على زوجك دمعتين معلقات خليه يدمعها ويرتاح مرده لك
    وترى لما تسوين انك قافطته وصايدته انه حزنان على ماضيه ماراح تستفيدين شي وحتى لو صارحتيه بظنونك وافكارك بتحطين نفسك وزوجك في موقف محرج جداً لان سالفتك مالها رد والله غير انك بتبينين في عينه شكاكه وغيوره

تابعي تجارب أخرى من هذا القسم.