🌼موقف زوجك🌼

عشان خاطر عين تكرم مدينه

...

انا متزوجه من ٣٧ سنه مواقفه الزينه انه مايضرب لكن اذا عصب يغلط بالكلام ، ويسفرني مع العيال كل سنه ، ويعطيني مصروف بعد ماطلبت ماهو منه ( لاني كنت موظفه ) وسفر امي معنا مرتين للعلاج وثلاث مرات عمره وحج
وعطانا فيزة شغاله لها وداني المكتب اختار لها
ويخليني اروح لامي وقت ما أبي حط لي سايق ماقصر
وكل فجر بعد الصلاة يروح الزرع ماله يجيب لي خضروات طماطم وخس وبقدونس ( غزل شياب) شنسوي بعد
وطبع زين فيه ان كل يوم وهو راد من الزرع يمر كارفور او الجمعيه يجيب قراقيش كيك وانواع مخبوزات ومكسرات عنده لذه مدري كيف في شرا الاكل بس ماياكل الا شوي لو تشوفون جمب غرفتي خزانه للمكسرات والبسكوت انواع والشوكلاته حتى الطبيعيه بدون سكر وغراش عسل كثيييير والله كني ابيع بدكان ، ماغير اشيل واودي بيت ولدي وبيت امي وللشغالات حرام يخرب ... كل يوم تقريبًا متصورين ( شريت خزانه لهم) وماقوله لا تجيب اسكت وماغير يوميآ يكت ومحدن عندنا انا وهو وبنتين ماياكلون هالاشيا
ميزة شرا الاغراض هذي احبها فيه لانه ينسى ايش جاب فأتصرف فيها
حتى الطيب الي هو العود والبخور والله اني لقيت كيس مليياااان وانا انظف خزانته من فوووق مكان التخزين ( خذته لبيت امي )
ومسابيح كل ماراح السوق القديم يشتري وينسى مره احترت ولد اخوي دخل جامعه وش اهديه؟؟ كان اخذ مسباح بعلبته واهديه ...
ومره تهاوشت معه مدري والله وش السبه نسيت
وتلاسنت معه انت بخيل علي وكريم على نفسك وعندك سيارتين وانا وحده وقديمه والحريم يشترون لهم رجالهم ذهب وانت ماشفت منك الذهب الا يوم عرسي وماهو حلو ذوقك
وعرفت نقطة ضعف الشايب ( البكا) وانا قلبي قوي مابكي لكن سويت اني امسح دموعي وانسحب من قدامه وينادي ولده يا محمد يامحمد باكر تروح تشوف لامك سياره ... قلت لاااا اروح معه اختار انتوا ذوقكم ماهو حلو ويعطينا فلوس السياره واطلعها ... ويخاف علي يقول للعيال شيكوا على سيارة امكم التواير والآيل ... وبعد وشهو ؟ اي يوم قلت اني جمعت مبلغ بشتري عقار دار معي يفرجني على المعروض عن طريق مكتب لين لقينا وسجله لي ودور مستأجرين ... ماعرف انا
بس الي ماهو زين فيه مايعرف يقول كلام حلو ولا يشتري لي هدايا ... بس اول الشتا اشترى شال رجالي يلحف راسه فيه وقت النوم وشرالي واحد يقولي تدفي ( ماعنده اسلوب على قده)
بس والله وسلامتكن
تعبت من الكتابه

ما شاء الله و الحمدلله عليه مليون مرة..
شقول و شخلّـي♥️
حبيبي كل مواقفه معاي ما تتنسى..
الكون كله بكَفّـة ، و هو لحاله بكَفّـة♥️


واله يا كادي مواقفه الكبيرة ب عيني صغيرة بعينه هو
و اخاف اذكرها ..🤭💓
الله لا يحرمني منه 💍

الله يسعدكم ويوفقكم جميعا
ويستر عليكم ويحفظكم من كل شر