مرحبا
عمري ٣٨ و من زمااان وأنا خاطري احمل من لما كان عمر بنتي ٣ سنوات بس زوجي كان رافض رفض كلي لأننا كنا كثيرين التنقل
الآن الله قدر وحملت من غير تخطيط و انصدمت لإني وصلت لمرحلة قناعة إنه خلاص كبرت وغير كذا فرق العمر كبير بين بنتي الصغيرة(10 سنوات) و ابني (بالمتوسط) والبيبي الجديد إذا الله تمم لي على خير
أحد مر بتجربتي؟ كيف الامومة بعد هالانقطاع هذا كله؟ وأفكر كم بيكون عمري لما الطفل الجديد هذا يكبر ويدخل الجامعة؟ هل بيكون عندي طاقة أربي؟ وخصوصا مع هالزمن الصعب والانفتاح غير إني خايفة على موضوع سلامة الطفل لإني أحس كبرت
أحس إني غير مهيئة لإعادة شريط الأمومة بهذا العمر وبنفس الوقت أقول ربي كاتب وأكيد له حكمة
بس تعبانة نفسيتي من التفكير خصوصا إني مو قادرة أتكلم بهالموضوع مع أحد وأبغى أفضفض😔
شاركي في النقاش
سجلي الدخول لإضافة تعليق.
التعليقات
34- من توكل على الله فهو حسبه ليش تشيلين هم رزق الله عطاك إياه وياكثر اللي جابو بال٤٠
استمتعي وصدقيني هالطفل بيملي عليكم البيت
الله يهون عليك - بالعكس يمكن البيبي هو الي يبي يونسك بعد ماتكبرين
لا تفكرين بهالسلبيه افرحي وادعي وصدقيني فيه حريم كبار اكبر منك بست سبع سنوات وجابو طفل سليم هذا الشيطان يخرب فرحتك
مجرد بربي رزقك بالحمل هو قادر ع حفظه من كل سوء مو انتي ولا احد الي يقدر يحفظه من هالزمن رب العالمين هو وحده القادر بس عليك بالدعاء - الف مبروك الحمل الله يتمم لك على خير وييسر امرك ويرزقك الذريه الصالحه البارين بكم
- حسستيني عمرك ٤٨
بعدك صغيره - ونعم بالله 🙌
والله خجلت من نفسي واستغفرت ربي لما شفت كلامكم
وفعلاً أحس إن هذا إبليس لأني ما فرحت من يوم عرفت إني حامل وأنا ما أنام والقولون لعب فيني لعب من التوتر والقلق مع إني بالبداية و لسا حتى مارحت اول موعد للدكتورة لسا باقي كم يوم.ومن الآلام عشت قلق ثاني يمكن إجهاض و يمكن و يمكن وطول الوقت ابحث في قوقل وأموت رعب 🤦♀️..
فعلاً الواحد لازم يتوكل على الله ويخلي ثقته بالله كبيرة 🙌
شكراً مرة ثانية ♥️
أنا مغتربة وتعودت مااقول لاحد من اهلي أي شي عشان لايقلقون وتعودت اي شي احس بقلق فيه احتفظ فيه لنفسي وهذا اللي يتعبني
بس ارتحت لما شاركته هنا♥️
مواضيع مشابهة
تابعي تجارب أخرى من هذا القسم.