[ تجمع الحوامل الجميلات رابطات عنق الرحم ] 4️⃣9️⃣🤰🏻💝

عادي ولا لا قبل ماحسيت مدري مادخلت اصبعي كذا 😫

طاقتن طول حملك كذا ؟ انا لي شهر ونص هذا وضعي

مساء الخير كيفكم
ربي يتمم للجميع بألف خير


سبحان الله ماكنت متوقعه راح أدخل في يوم قسم الربط او المتأخرات ربي يرزق الجميع يارب
الحمدلله رب العالمين على حكمته ووافر خيره


أنا عندي طفلين حملي فيهم طبيعي وأكمل فيهم لاخر التاسع اسبوع ٤٠ لين يجيني طلق الفرق بينهم مو كثير


حملي الثالث ارتحت لين الصغير صار ٦ سنوات وحملت بس في الأسبوع ١٩ نزل علي بقعة ماء دافي وانا اعرفه ماء الجنين على طول رحت المستشفى قالت مافي التهاب وسوت سونار قالت كمية الماء زينه وكل شي بس الرحم متوسع ٧ ملم وهذا جدا طبيعي مع تكرر الولاده ومايعتبر توسع الا لو صار ١سم


المهم بعدها ووقف وعادي لمدة ٣ اسابيع
فجأه وانا واقفه في المستشفى موعد مع بنتي انكب كله تدفق كثير وخذوني طواريه قالت ولاده مبكره بس الرحم مقفل ونوموني مضاد وايام كانت صعبه جدا لاتوصف الحمدلله وصدمه ونومة المستشفى الحمدلله
كنت اطلع ويكند ع مسؤوليتي اغير جو
لان قالو دام ينبض ومافي التهاب وصل مانقدر ننزله
ضليت ثلاث اسابيع والماء خلص من رابع يوم قالو تقريبا نزل كله
ثلاث اسابيع وجاني طلق في يوم كنت طالعه ع مسؤليتي ورحت لهم وولدت الحمدلله اسبوع ٢٤ بنتي بدون ذكر التفاصيل المتعبه ، الكل يعرف هنا وعانى
وعورت قلبي بنتي كانت تتمنى اخت وتنتظرها وتكلمها في بطني
بس الف حمدالله كله خير وخير كبير مانعرفه لكن نحسه


راجعت بعد الأربعين قالت لي ممكن عندك ضعف دام مافي التهابات التحليل والمزرعه سوي ربط الحمل الجاي
قلت لها بس انا جبت اثنين واغلق فيهم الشهر ويوم نزل الماء الرحم مقفل قالت ممكن فتح الرحم وضغط ع الكيس ورجع قفل !


وماستشرت غيرها قلت اذا ربي كتب يصير خير،


نسيت اقولكم اسبوع ١٩ يوم اللي نزل بقعه صغيره سمعت خبر احد من اهلي وخفت مره مره وقتها ونفس اليوم صار لي كذا مادري له علاقه ولا هو قضاء وقدر


حملي الاول كانت ولاده متعسره وشفط وخياط داخلي وخارجي
الثلتي الحمدلله كان بدون شق ولا جرح ولما راجعت بعد الاربعين سالتني الدكتوره مين ولدك ماشاءالله عليها هذي الدكتوره ممتازه


بس الثالث راجعت لكنها بدون كشف بس سونار وقالت نظيف وتمام


شفت هندالقصيم قالت صار لها كذا
وطاقتن تسبدي ههههه ياحلو اسمك


تجربتككم كانت كذا بدون طلق بدون لايفتح
ومادري اذا فيه احد ثاني


انا ماني حامل انتظر رزق ربي صار لي سنتين من هذا الحدث لكن ارتحت سنه بمنع لان كانت صعبه علي


ربي يرزق كل منتظره ويجبر كل مكسوره ويعطي كل فاقده


طولت عليكم
وترا قريت كثير من عندكم
مجبوس لحم وامي سر سعادتي وخيوط من حرير وهندالقصيم وصغيرونه ووكثييير


مع ان القراءه احيان تقلق وتتعب
واحيان تعطي امل وتفاؤل
على حسب التجربه وربي كريم يارب


الله يتمم للجميع بألف خير يارب

نسيت اقولكم بعد ان كان عيد ميلاد بنتي ومتجمعين كلهم حواليها وفيه وحده عندنا عينها قويه يعني احنا نعرف عنها هالشي حتى هي تعرف عن نفسها نمت وقعدت ثاني يوم بنتي صار فيها حراره ورحت معها موعد وانا في الانتظار نزل الماي
بس انا عندي ثقه بربي ان مااصابنا لم يكن ليخطئنا
وعندي ثقه ان قوة الله اكبر والتحصين فوق كل شي
وعندي ثقه ان دعوة المؤمن اعظم من قوة البشر
كان زوجي في العمره رجب ويدعي لنا
في البدايه جا ع بالي كذا وقلت عين واللي حولي بعد من اهلي وضليت متوتره بس بعدين ايقنت ان هذا قدر الله وامره
وكان نازل علي بقعه قبل هذا الموضوع
وشفت حالات مثلي لان يوم كنت منومه كنت اسال وماحصل
وللان احس انه موضوع مو منتشر الا بنسب بسيطه والتجارب فيه قليله
ربي يحفظ كل حامل

هل تنصحوني بالربط لو ربي كتب ان شاءالله وربي كريم