ردة فعلك😭

اذا زوجك كل اسبوع اسبوعين يقولك يالله مزرعه اهلي وتروحي انتي واطفالك وعندك رضيع وطريق ساعتين ونص وطبعا مو لوحدكم اهله معاه وما تاخذي راحتك طبعا حتى ماسك فوجهي ما اقدر احط ومن الفجر ازعاج وحشره ونوم بالغصب دوبي يومين راجعه لبيتي بعد ما جلست ٦ ايام هناك ويقولي جهزي اغراضك بكره بنروح مره ثانيه ؟؟؟😭😭😭😭 واذا رفضت طنجر وزعل للعلم المزرعه مافي شي حولها غير الرمل وصحرا وحتى ارسال ما فيها ابدا شو بتكون رده فعلك ؟

20 تعليق 3,666 مشاهدة

شاركي في النقاش

سجلي الدخول لإضافة تعليق.

التعليقات

20
  1. العضوية الراقية

    يا بنت خذيها من النواحي الايجابيه و بعدين يومين مب كثيره على زوجك واطفالك يتونسون فيها و تكسبين قلبه
  2. @ghla_alnfs

    عندك اولاد كبار؟؟
    أعمارهم ١٥ وفوق؟؟
    اذا عندك ارفضي ولا تراددينه أبدا وخلي رفضك بنفس يوم الروحة
    الحل الثاني خليك متحمسه للروحه واذا جا يوم الروحة قولي ظهري شب علي مدري وش فيه
    ومره بعد مره راح يتعود وتخف روحاتكم للمزرعه
  3. أتوقع أنكم تطلعون للمزرعه كل نهاية أسبوع


    روحي وسعي صدرك وطبعاً تكونين مجهزه أغراضكم من الليل


    هونيها وتهون وهذا وقت المزارع في هالأجواء قبل الصيف
  4. @aymaan

    الله يعينك والله

    اكره ماعلي الرجال يفرض رآيه ويغصبني على شيء ماأبيه !
    ياخي اكرام النفس هواها ..
  5. غلا النفس
    عندك اولاد كبار؟؟ أعمارهم ١٥ وفوق؟؟ اذا عندك ارفضي ولا تراددينه أبدا وخلي رفضك بنفس يوم الروحة الحل الثاني خليك متحمسه للروحه واذا جا يوم الروحة قولي ظهري شب علي مدري وش فيه ومره بعد مره راح يتعود وتخف روحاتكم للمزرعه
    بس هذا الله يسعدك يعتبر كذب💜

تابعي تجارب أخرى من هذا القسم.