التجمع/١٧٥/للمقبلات على الحقن المجهري واطفال الانابيب🌹💉🧪

امس كان موعدي للسونار والبطانه حجمها ٣ ونص ويبغونها وقت الترجيع ٨
وتحليل الدم كان ممتاز
وكان عندي فيتامين دال ٧ والطبيعي عندهم اقل شى ٣٠ وصارلي اقل من شهر اكل الحبوب والحمدلله وصل ٢٥ وبستمر بإذن الله
اليوم بديت اخذ حبوب الايستروجين حبتين صباح وحبتين مساء
مع بيبي اسبرين حبه باليوم
مجموعة فيتامينات حبه باليوم
وان شاء الله بعد عشر ايام موعدي تحليل دم يشوفون كم وصل الهرمون
وهذي اخر اخباري سردتها كلها قبل اتعاجز 😩

الله يحفظها لك ماشاءالله تبارك الرحمن ♥️

بنات انا قبل شوي صحيت وسويت تحليل ابو عشره ثاني
مستغربه امس التحليل خط ثاني ظل الحين ابد خط واحد بس
يارب اسالك الخيره يارب ارحم ضعفي وقلة حيلتي 🤲🏻
اللي بعرفه معقوله انو زي ماقالت الاخت هيفاء الانغراس يكون متاخر بس انا بداية الترجيع الثلاث ايام كنت اذا مسحت باالمنديل يطلع خيوط دم مايقولن الدم دليل الانغراس
طيب اذا فرضنا الانغراس متاخر يعني موعد دورتي الاحد وموعد التحليل الهرموني الاحد بعد يعني مايبان الا يطوف موعد الدوره والله مخي مقفل 👎🏻

امنيتي طفل وكل اللي بفترة الانتظار
إذا اجنتك فرش او مجمدة لكن عطاك الطبيب أبر تثبيث فلا تحللين منزلي ابدااا لانه كاذب كاذب ماراح تطلع النتيجة الصحيحة
انا رجعت مجمد بس معاه أبر مثبتة ولأن الإبر فيها هرمون حمل كان يطلع لي الخط خفيف مره ومره يختفي وهكذا مره يطلع ومره يختفي لين بكره تحليلي متخيلين وهو طالع لي خطين والثاني خفيييييييييييييف ظل وبنهاية مافي حمل بس تأثير الإبرة
اما الثاني كان مجمد ورفضت اخذ إبرة تثبيت لأنها عشمتني اني حامل وهو كذب واصريت عالدكتور وما صرفها لي ولما جاء تاسع يوم حللت منزلي وبان معاي خطين واضح الثاني خفيف لكن واضح لان توه ماكملت 14 يوم ترجيع وفعلا حللت يوم ١١ بالمركز وماشاء الله طلع حمل
عشانن كذا اقول ابتعدوا عن التحليل المنزلي اذا انتي بالحالات السبق ذكرتها مرجعه فرش او مرجعه اجنة بس تاخذين أبر تثبيت
والله يفرحكم ويبشركم

غير صحيح انا ماطلع لي دم الا بعد ماحللت هرموني
كل وحده يختلف جسمها
فيه اللي تجيها حرارة وفيه اللي يكبر صدرها وفيه اللي يلين وفيه اللي تتوحم واللي تستطعم معدن باكلها واللي تدوخ واللي تحس بارهاق وفيه اللي اللهم بارك مافي أعراض وحامل او يدوب غثيان خفيف الحريم يختلف وحامهم عن بعض ويختلف من حمل للثاني بعد