🤰التجمع(14) الحوامل شهر يوليو 7 و شهر اغسطس 8 👼لسنة 2021💙💗

والله شكلي باخذه الاغلب اختاره وصار عليه تخفيض قوي

هههههههههه الذاكره تناقصت عند الاغلب امس احاول اتذكر كلمة السر لموقع نكست عجزت وغيرته

يمااااه قروب يناير فبراير يخوف صار عددهم قليل الله يهون عالباقي
الله يبلغنا بالسلامه اللحظات السعيده

ايوا انا من جده 😂♥️ .
.
بخصوص الرضاعه المستشفى لها دور في مساعدة الأم على الرضاعه الطبيعيه ..
.
في بكريتي انا لسى غشيمه والي حولي يعطوا قاروره وهذا الكلام قبل ١٠ سنين . بعد الولاده بكم ساعه بدأت بنتي تبكي اقول للممرضه هاتي القاروره 😂 لأنه اذكر اختي لمن تولد كان سرير البيبي حق المستشفى جوته القاروره .. المهم قالتلي ممنوع قاروره وقعدت تحاول الممرضه تعلمني كيف ارضع بحكم اني بكريه وبعدين ثاني يوم البنت تبكي بشكل يخوف 😭 وانا فيني البكيه معاها .. راحوا اهلي واهل زوجي يخاصموا الممرضه هاتي قاروره انه الأم مافيها حليب والبنت بس تبكي <<< طبعاً هو طبيعي يكون أول يومين مافي حليب 😂 بس كنت احسب المشكله مني << قلة وعي في أمور الرضاعه الطبيعيه .. المهم جابولي ورقة توقيع تعهد قبل مايعطوني الحليب الصناعي كذا خوفت 😂💔 .. المهم بس مع ضغط الأهل وانه بنتي وزنها قليل وانتِ مافيكِ حليب استسلمت واعطيتها الصناعي .
.
واجي خامس يوم لدكتورة الاطفال عشان اخرم اذن بنتي واسألها ايش افضل نوع حليب للأطفال ؟ .. قالتلي بنتك بقره ؟ 😖 قولتلها لا طبعاً قالتلي طيب ليش تعطيها حليب البقر ؟!!
.
عارفه الكلمات شويا أثرت فيا وقعدت أتفكر في كلامها وطبعا الطفل الأول هو يكون حقل التجارب للأم 😂 في حال ماثقفت نفسها من بدري ..
.
المهم رضعتها طبيعي وصناعي وعلى ٦ شهور انفطمت من صدري ماعاد فيه حليب لانه كل ماله ازود الجرعه من الحليب الصناعي ..
.
لكن قبل حملي الثاني ثقفت نفسي كوووويس عن الرضاعه الطبيعيه والحمدلله رضعتها طبيعي بدون صناعي ويارب هذي المره كمان أقدر أرضع طبيعي بدون صناعي ..
.
فالمستشفى لها دور وبصراحه في بناتي الاثنين المستشفيات مختلفه لكن كانوا حريصين جداً على الرضاعه الطبيعيه وممنوع الصناعي ..
.
وطبعاً واجهتني مشاكل في بداية الرضاعه زي أغلب الأمهات وصبرت لأنه من قلبي ابغى هذا الشيء والحمدلله ♥️ ..

ماعندي خلفيه بالمشدات وماقد ربطت .. إن شاء الله البنات الي يربطوا يفيدوكِ ..