💉🧪التجمع/١٧٦/للمقبلات على الحقن المجهري واطفال الانابيب💉🧪

السلام عليكم بنات اللي سالوني وش الممنوعات وش تنصحينا فيه وارسلولي خاص ابد على ربي توكلت صدق توترت ومرات افقد اعصابي من داخلي اتعب نفسيا بساحاول اتوضى واصلي ويوميا اصلي الوتر وادعي اللي بخاطري 🤲🏻ادعو بااوقاتاستجابه واقرا اذكاري ماانساهم واقرا على بطني سورة الطارق ثلاث مرات ومريم اقرا
الاكل من يوم التنشيط خففت قهوه وشاي قبل السحب بيوم اخر فنجان شربته للحين ماشربت قهوه ومنعت نفسي من اكل المطاعم بس زوجي يجيب لنا الغدا من برا رز ودجاج وجريش هذا اللي اكله من برا وبس
كثرو خس وخيار وحليب وعصير تفاح 👌🏻
اكثر ماعذبني الامساك وانتم عارفين جتني بواسير ودم الله يكرمكم تعبت علاجته ع الخفيف (( اكل برتقال وعصير برتقال فريش واكل تين مجفف خففو علي الحمدالله اناعصير المراعي برتقال افضله واتقبل اكثر من الفريش ))
ابعدت عن كل شي بهارات وسبايسي وشوكليت وش بعد
فطوري ومرات عشاي بيض مسلوق وحليب احياننا عصير تفاح معه
الخبز بر اكله مع جبن كاسات مرات
يعني هذا روتيني بالاكل
👈🏻👈🏻
هذا اكثر شي طبقته من عمليتي الاولى >>>>>>>{{{{ ملعقة نشاء بكوب مويه }}}}}
ماطلعت من البيت نهائي الا لتحليلي الهرموني بااليوم العاشر
ماتروشت من الارجاع بس امسح جسمي بمناديل مبلله واغير ملابسي كامله الشغل زوجي يساعدني امشي باالبيت البس ولدي اهاوشه 😂طبعا توم وجيري انا وياه😅🤭
وش بعد
اذا حطيت تحاميلي المثبته ساعتين اكون منسدحه
اي واصلي وانا جالسه ع كرسي
وسلامتكم اعذروني الكلام ماهو مرتب بس هذا اللي قدرت عليه والبنات اللي عملياتهم نجحت وتمت عطونا نصايح وزيدو على كلامنا
♥️♥️وادعولي بثبات يابنات وان ربي يبشرني باللي اتمناه استودعت جنيني الذي في رحمي الله الذي لاتضيع ودائعه
وعقبالكم يارب

كل وحده باركت لي عقبال فرحتنا فيها الله يجزاكم خير ♥️🤍

الله يجزاك خير ويثبت لك حملك ياااااااااااااااااااااارب

🥰❤️ حاسه فيك بطانة الرحم متعبه أنا عشان عندي سوايل من القيصريه احس متعبه سالفة البطانه وغالباً مافيه ذاك الحلول ..

ومشكلة الحبيب مافيه تقنيات زي ذريه .. ذريه يستحدث تقنيات حتى لو ماعليها دراسات بس بالتجربه نجحت عادي يسوونها لك الحبيب لا.. دكتوري لما قلنا تقنية البكزي للحيوانات المنويه يقول ماعليها دراسات 😰حتى صمغ الاجنه الظاهر مو موجود بالحبيب اذا مو غلطانه( اللي سوت صمغ الاجنه بالحبيب تفيدنا)

وكمان بلازما المبيض يقول ماعليها دراسات ،، مدري احس المفروض اذا فيه تقنيه جديده وسعرها مقبول ليش مايسوونها يعني الوحده سوت كل شي جت على ذي الاشياء

الف الف مبروك والله العظيم فرحت صدق

الحمد لله من قبل ومن بعد

الله يجعله حمل سليم معافى

ويتمه تسع اشهر بخير وصحه

ما اوصيك بالراحه والاذكار والبقره

الله يسعدك سعاده الدارين