صرت اسولف ع نفسي ثم استوعب و اسكت

اللي تمرين فيه تبعات الصدمه
انتي محتاجه وقت تستوعبين اللي حصل معك ثم بالتدريج راح تخرجين منه بسلام بإذن الله
حالياً اقترح عليك تاخذين دفتر وقلم ( ماينفع ملاحظات الجوال ) وابدأي اكتبي كل مشاعرك اللي تحسين فيها حتى لو انها ملخبطه وغير مترابطه ومالها معنى ولا لها فايده اكتبيها سواء عتاب او غضب او جرح او خذلان عبري عنها على الورق كأنك تخاطبين شخص يسمعك
واذا حسيتي ودك تبكين ابكي بضمير وشاهقي مثل الطفل خلي جسمك كله يفرغ الكبت والاحباط والسلبيه اللي بداخله
صدقيني بعدها بترتاحين
انا يوم كنت امر بصدمه كنت اكلم نفسي واتكلم مع الجدران ومع المخده ومع كل شي حولي وكأني بلا شعور ابحث عن مواساة بأي طريقه
حتى اني اتخيل الله سبحانه وتعالى موجود واقول له كل اللي بخاطري من ألم وخذلان واشكي وابكي من صماصيم قلبي
الى ان ربي جبر خاطري وسخر لي ظروف واسباب شالتني من صدمتي لمكان اكثر امان واكثر راحه
يعني طبيعي حالياً تكونين مو فاهمه نفسك والتعبير عندك صفر ثم بعدها بتدخلين مرحلة استيعاب الصدمه ثم مرحلة التعبير عن الصدمه والحزن والبكاء والضيقه كلها تقبليها لا تتصارعين معاها ولا تقاومينها لانها طبيعيه
لكن بنفس الوقت ساعدي نفسك تصنعين واقع اجمل وافضل بإنك تمارسين رياضه او تعملين جلسة استرخاء وتأمل مع تنفس عميق
امشي على الرمل حافيه واجلسي تحت الشمس
شوفي وش طموحاتك وهواياتك ومارسيها او تعلمي حرفه او اشغال يدويه
او ابحثي عن المدربين والاخصائيين وانضمي لدوراتهم المجانيه المتاحه للقراءه او الاستماع بتلاقين فيها اشياء تساعدك تتطورين وتنضجين وتتخطين وضعك بشكل اسرع وبتفهمين الحياه بشكل مختلف عن اللي انتي فاهمته حالياً
الله يشرح صدرك وييسر امرك ويسخر لك ملائكة السماوات وجنود الارض ويسخر لك خيرة خلقه امين

مهما بلغت المشاكل تهون مع الايام
الا شي واحد الصحه
بصراحه عادي نحزن ونزعل ونعصب ونفس بس المبالغ فيها يضرك
طبعا بتقولين مو حاسيه في ابد والي يده في المويه مو زي اليد في النار
لو تفتحين الشباك او تناظرين من سطح بيتك للبيوت الي حولك فيه بشر ماتدرين منهم التعيس ومنهم السعيد كل انسان عندهم هموم ومشاكل
انظري للي اقل منك اذا مشاكل في موضوع الطلاق مو اول وحده تتطلق ولا انت اخر وحده واذا عندك عيال وعيالك معك الحمدلله صح فيه مسؤوليه الاطفال و المصاريف وغيرها
بس لو شفتي مشاكل غيرك بتهون عليك مشاكل
شوفي الي زوجها يضربها ولا تقدر تتطلق لانه ماعندها اهل او احد تروح عنده ولا عندها شهادة ولا وظيفه
شوفي الي عندهم أمراض مزمنه ولا يقدرون ينامون ولا يتحركون ولا يأكلون لو درو عن مشكلك مع الصحه كان قالو ليتنا مكانك بس نتنعم بالصحه ايش يعني طلاق
انت محزنه نفسك وما اخذه هموم الدنيا ليش انا منفصله
صح انه القرار الانفصال كان برغبتي لكن ايام لم تطلقت كان شي صعب ونادر الطلاق في المجتمع و صارت مواقف لي لو احكيها كان شيب رأسك
الحمدالله دوام الحال من المحال مع الوقت تتغير امور و يصير أشياء كثيره
لازم يكون داخلك صندوق زي الصندوق الأسود بطياره صعب الوصول للمعلومات الي فيه
صندوق داخل تفكير تحطين كل شي فيه ولا عاد ترجعين له من افكار و أحاسيس وتنسينه نهائي
لو تروحين الف دكتور ما احد يقدر يساعدك الا انت بيدك تساعدين نفسك
احمدي الله تمشين وتنامين وتاكلين و تقوومين بامورك بدون ما تحتاجين احد يساعدك لدخول الحمام ولا تنتظرين احد يجي ياكلك لانه ما تقدرين تاكلين لوحدك
يوم نامي على السرير وتخلي انك ماتقدرين تمشين وتبغين الحمام ضروري شوفي صعوبة الموقف
الدنيا ماشيه ان ظليت حزينه او نسيت وعشتي حياتك
الزواج والطلاق مو اهم شي للانسان
نقدر نعيش بدون زواج ونقدر نعيش ونحن مطلقات ارامل عازبات الحياه تمشي فاختار كيف تمشي حياتكي

خذي بريك من الزواج لاتفكري بالزواج انتي تعبتي نفسك تطلقتي من هنا وتزوجتي وتطلقتي مره ثانيه بفتره قصيره قولي لنفسك أنا مو أول ولا أخر وحده تتطلق وشوفي وضع الناس الي أسوء منك تهون عليك مصيبتك

تحتاجين تفضفضين لاحد تنفسين شوي
واعلمي انك اذا رغبت بالطلاق ان الاثار الانسحابية للصدمة ممكن تكون سنتين ثلاث اقل اكثر حسب
لاتحكمين على نفسك الا بعد ما يرجعلك استقرارك ولا تحاولين تخرجين من الموضوع بسرعه
والاخوات اشاروا لك بالعودة اذا فيه مجال
اجلسي مع احد فاهم عشان يقيم لك الوضع
او حتى اذا زوجك اذا انت رجعيه
اذا حاول يتواصل معك كلميه وطلعي كل اللي بخاطرك
اسال الله لك فرجا ومخرجا

تزوجتي واحد مو قد الزواج ليش تزعلين عليه روقي بس كلها فترة وتعدي ويجيك اللي احسن منه باذن الله بس اعطي نفسك فترة نقاهة واابدي صفحة جديدة في الحياة