:: ديوانية التوائم..ممنوع دخول الحامل بواحد ::

الله يهون عليها و يقيمها بالسلامة هي و البيبيات و تشوفهم باتم صحة و عافية
طمنينا دايما عنها الله يسعدك وسلمي عليها
قهرني دكتورها ليش ما يولدها !

ميوونة طمنينا كيف التحاليل ؟ الله يهون عليك و يقيمك بالسلامة

أم الحلوة و ميوونة
ان شاء الله تقوم بالسلامة والبيبيات بصحة وعافية

بنات

أنا كثير محبطة لأن زوجة أخوي كانت حامل معاي في الشهر الرابع وألحين انفتح عندها عنق الرحم ونزل الماء اللي حول الجنين بس الجنين إلى الآن ما نزل. أدعووووو لها الله يفرج عنها يا رب وينزل وترتاح. المشكلة ان المستشفى مو عاطينها أي شي بس ينتظرون وهي ما فيها طلق بالمرة.

الله يحفظ عيالنا وعيالكم يا رب

ام زوزو
ربنا يعوضها خير يا رب و ان شالله يفرجها عليها و ينزل بدون عمليات و لا شي
و الحمل الجاي ان شالله احكيلها تعمل ربط لعنق الرحم و الله يجيب اللي فيه الخير

مستشفياتنا هبلة دندون مانتي خالصة لا من خاص ولا حكومي

كله فيالهوا سوا
لو تشوفي موضوع اسمه فضيحة مستشفى دلة والله شي يبكي

صديقتي اللي كنت حاطة شريطها في توقيعي لها من امس الصباح وهي في عسكري جده راحتلهم بدون طلق بس مويات تنزل منها كل شوية بكميات قليلة
سوولها السونار وقالولها البيبي كبر لازم تولدي هي خلصت التاسع لها 4أيام
ومخلينها من امس الصباح الى اليوم وهي كل شوية يحطولها تحميلة عشان الطلق ويخلص مفعول التحميلة ويدوها تانية
وبصراحة احنا خايفين مرة عليها وعلى البيبي الله يقومها بالسلامة


بس رفعت معنوياتي وقالت فيه وحده معاها بكرية حامل بتوأم وجاتهم وهي لها 3 اسابيع في التاسع وعندها الم في الكلية فكرته طلق
المهم قالولها جيتي برجلينك يا شابه :) قالتلهم طيب قيصري قالولها طالما مافيك شي انسي القيصري ولا خلوها تطلع ويلاااااااا هاتك يا تحاميل وولدت اليوم ولله الحمد
وجابتك ولدين الله يباركلها فيهم
طبعا المسكينة ولدت طبيعي بس بدون ابرة ظهر الله يأجرها
عقبالنا كلنا يارب

أم عزوز الله يفرجها على زوجة أخوك ويعوضها الولد الصالح