طليقة زوجي

اول شي
مالك اي حق تحكمين على المرأة لا من قريب ولا من بعيد
الله يعلم وش عاشت وشافت وش كانت ظروفها
ثاني شي
انتي اخذتي مطلق وعنده اطفال ممكن يردها لذمته
ممكن اطفاله يبقون عنده
ثالث شي
صح انتي مو ملزومه بس ابوهم ملزوم فيهم
وبالاول والاخير مردهم بيت ابوهم وهو سقفهم
لكن تقولين وش هالقسوه و مدري
انتي مو مخولة ابدا تحكمين عليها بناء على رؤيتك للموضوع من برا
اساسا ممكن ما تلقى اللي يكفيها ف كيف تصرف على اولادها
اذا ع الضمان ما يكفيها بروحها واذا ع النفقه وش بيضمنها ان زوجك اللي خايفه عليه يسحب وما يدفع النفقه
خلي الاولاد عند ابوهم يتربون بعزه وقدام عينه
وخلك ببيتك وما راح نتكلم بوحده ما ندري وش ذاقت وشافت و وش هي ظروفها ونقول عليها قاسية


استغفر الله العظيم واتوب إليه

انتي كم لك متزوجه شكلك توك عروس اذا طليقته والدها توها الله يعينك
وكم معه اعيال انا صراحه مااأيد المطلق معه اعيال واجد يادوب بنت او ولد ويعيشون معي على قولتك مو مسؤليتي ابداً
فاذا حصل وعاشو معاك يوفرلهم شغاله لك ولهم على الاقل

أقترحي ع الجده ... تقول لولدها يستأجر لطليقته والاطفال بيت ...


ترا من حقها شرعآ يكون فيه بيت حاضن .. وخاصة فيه مولود ..


قدمي هذا الكلام لام زوجك ... وان شاءالله تقنعه ...أما كذا تاخذهم عند اهلها يمكن بيت اهلها وعيشتهم اقل منكم مستوى ..
ويمكن هي مكسوره حزينه عشان اطفالها بس ماتقدر تتكلم ...
فالبيت يجمعها مع اطفالها ... 🥺😞 الله يفرج همها ويجمعها بأطفالها

طيب هم عند ابوهم عادي ما رمتهم بالشارع ، يعني وين تسكنهم عند اهلها ، الاولى بهم ابوهم ، واذا امهم راضيه تجلس معهم المفروض طليقها يوفر لهم سكن ومصروف ، اما يرميهم عند امهم واهلها عشان يربونهم له ، واذا كبروا قال تعالوا عندي انتم عيالي ، لا معليش ، بعدين ما تدرين ايش ظروفها عند اهلها ، ويمكن بتتزوج ، مثل ما طليقها تزوج وهذا من حقها ، الاطفال والدهم هو الكفيل بهم ، مو يتزوج ويرمي الام وعيالها ويقول دبروا انفسكم ، هو ملزوم بهم .

وانتي وش ذخلك شاده حيلك كله خوف لايجيبهم عندك