بجاوب عن نفسي و نظرتي ..
احب الوحدة تعيش مراحل حياتها .. بعدين تتزوج وتتاكد انها مسؤولة و قد هالمسؤولية و قلبي يعورني على الي تجاهد بالدنيا دراسة و زوج و اطفال و ساكنة ببيت حمولة .. ليش اسوي بنفسي جذي وانا اقدر اختار لنفسي بعد توفيق الله و رزقه حياة أفضل ..
الشهادة اولا .. فترة الجامعة فترة جداً جميلة مرحلة الوحدة تطلع تستانس توسع دائرتها تتثقف اكثر تبدي تعرف توجها في الحياة .. عمر السيارة والليسن .. هذي اللحظات سعيدة جداً جداً جداً ما افضل اني اضيعها و تصير على قلبي هم بدل لا تكون سعادة ..
والوحدة اذا توظفت صار محيطها اكبر و اكبر و تكون انسانة واعية تعرف شنو تبي من الزواج تقبل و ترفض بعقل اذا كانت تعبانة على نفسها ..
بالعكس احس كل ما كبرت صعب اي احد يتحكم فيني او يغير شخصيتي .. تكونين واعية لحقوقج و لواجباتج ..
واذا الوحدة عايشة مرتاحة في بيت اهلها .. نفسيا ومادياً ما تروح الا بوضع باذن الله عارفة انها بتكون بنفس المستوى
انا ترا ما اتكلم عن الكماليات او الشكليات او فارس الاحلام الوهمي لا ولكن حياة زوجية و سكن زوجي تقوم فيه الحياة الزوجية السليمة و يتحقق فيه السكن و الراحة
و فكرتي هذي حتى بالانجاب الواحد كل شي بعد التوكل على الله يخططله و يشوف اهوا مستطيع ولا لا
لان ربي راح يحاسبنا لو ضيعنا الامانة ..
اما الرجال و عزوفهم احس حسب العايلة و طريقتهم في الزواج .. في عوايل شروطها شبه تعجيزية بالاصول و بالمهور وحتى بترتيب الاخوان .. يعني الاخو الكبير ما تزوج يحرمون على الصغار ..
وصراحة كل ما الواحد كبر تعود على نمط حياة يتخوف ان يغيرها
العزوف عن الزواج
متابعة النقاش، صفحة 7
