تذكرت موقف، 😕

السلام عليكم ورحمة الله وبركاته ،
حصل موقف قدامي ، وحدة من قريباتي ظروفها المادية جددا صعببة ، وكانت بنتها تلعب مع بنات قرايبنا ، شوية الا جات البنت وعمرها تقريبا 5 سنين ووجهها حزيين مررة ، قالت ماما ليش فلانة معاها وفلانة معاها واحنا لا
قالت امها : الله اعطاهم ،
بعدين البنت سكتت وراحت تكمل لعبها ،
الأم كانت معانا تضحك وتسولف بس بعد ذا الموقف ظلت جامددددة وعيونها تلمع لما انتهت اللمة وهي على ذي الحال ،
الله اعلم ايش وضعهم بالبيت ، بس اللي اعرفه ومتأكدة منه يكلموني اهل هذي الام وخواتها انها تدلل بنتها كثييييييييير ، انا قلت في نفسي يمكن تحاول تعوضها عن اللي فقدته ،
كيف تشوفوا موقف الام ،
انا عن نفسي احسها غلطت لانها قالت لها الله اعطاهم وبس سكتت كانت بتقول لها وانتي الله اعطاكي اب وفلانة ابوها مات كل واحد ربي يعطيه وياخذ منه
لان الحقيقة وحدة من اللي كانت تلعب محرومة من ابوها ،
الحين موضوعنا اذا جاك ولدك او بنتك وسألك زي كذا ايش ردة فعلك وهل بتتحسسين من الموقف ،
وكيف الجواب الامثل للطفل الغير القنوع
وجزاكم الله خير ، ربي يرزقكم من واسع فضله

12 تعليق 1,995 مشاهدة

شاركي في النقاش

سجلي الدخول لإضافة تعليق.

التعليقات

12
  1. @ahlam_zhryh_1

    لا حرام الأم تقول لبنتها ان فلانه الله اخذ ابوها!
    البنت بتروح تقول كذا للي فقدت ابوها
    الاطفال ياخذون بكلامنـا


    الله يرزقهم ويبارك في رزقهم
  2. @tfoly_2

    اهيا ردت على سؤال بنتها .. و ردها حلو و سريع مو محضر له ..
    و المكان مثل ما قلتي يمعة يعني ناس .. مو معقولة انها راح تأدب بنتها و تعطيها محاضرة جدام الناس ..


    خصوصاً الأطفال يطلع منهم مواقف عفوية و جملة الطفلة ترا عادية .. عادي الطفل تكون غرفته بتنفجر ألعاب و اذا شاف لعبة ما عنده نفسها يقول ماما ما عندنا ! ..
    وانا حيييل استغرب من الي ياخذ كلام الاطفال على محمل التضخيم ..


    بقولج موقف طريف .. كان في طفل امه تتعذب معاه بالاكل و خصوصاً اللحم ما يرضى ياكله نهائي .. والام دايماً تشكي و تسأل عن حلول عشان يتقبل الأكل .. بيوم من الأيام هذي الأم زارت صديقة لها تعرف بحالة ولدها ان ما ياكل ..
    الولد فجأة على العشى قام يصارخ ( لحممممم .. لحمممم ماما شوفي لحمممم أبي لحم جوعان أبي آكل لحم .. و يصارخ كأن بمجاعة وياكل بنهم .. الأم خلاص تبي تبچي من تصرف ولدها ..
    هل اهيا حارمته؟ لا .. هل اهيا كاذبة ؟ لا .. هل ولدها مو متربي ؟ لا .. ليش سوى هالتصرف ؟ لأن طفل 😂 بالعامي يقولون جاهل من جهله نربيه و يفهم شوي شوي .. وما نضخم تصرفه و نفكر ليش سوى جذي و قال جذي ..
  3. الام ردت باللي خطر على بالها في تلك اللحظة السؤال جاء مفاجيء وكانت اجابتها جيدة والبنت اقتنعت بالإجابة ما سألت وراحت
    اذا خلاص ماله داعي اطالة الكلام والتوضيح بالمقارنة
    هذا هو الأسلوب التربوي الصحيح درسته في دورة زمان
    لو الطفل ما اقتنع بالإجابة تجيبي له امثلة وتوضحي اكثر ولو اقتنع خلاص نخليه
  4. @diamond_14

    طـفولية
    اهيا ردت على سؤال بنتها .. و ردها حلو و سريع مو محضر له .. و المكان مثل ما قلتي يمعة يعني ناس .. مو معقولة انها راح تأدب بنتها و تعطيها محاضرة جدام الناس .. خصوصاً الأطفال يطلع منهم مواقف عفوية و جملة الطفلة ترا عادية .. عادي الطفل تكو…
    انهررت😂😂😂،القصة عجيبة

تابعي تجارب أخرى من هذا القسم.