اسع يابعدي وانا اسعى معاك تعبت وهو ماعنده غير ذا الاسطوانه

السلام عليكم اخواتي العزيزات
انا عندي ثلاث اطفال اكبرهم ١٢ سنه واصغرهم ٥ سنوات
زوجي من تمت الصغيره الخمس سنوات لمح انه خلاص اتركي الحبوب
تركناهم من ٧ شهور لكن الحمل ماربي كتب اول شي كانت الدوره جدا خفيفه والدم بس بالفاين اذا مسحت ولازلت كذا ماتحسنت رحت كشفت قالو مافيه تكيسات ومافيه شي كل شي طبيعي انتظري فقط مسألة وقت الحد ماتتعدل الهرمونات اي وحده تترك الحبوب بطانة الرحم تكون رقيقه خصوصا اذا استخدمتها فتره طويله يبيلها وقت على ماترجع الامور الطبيعتها قلت الزوجي ابد ما اتقبل يزن ويزن روحي خوذي منشطات روحي شوفيلك صرفه
ياابن الحلال مسألة وقت اصبر لا لا انتي بارده انتي تبينها من الله
انتي ماتبين تحملين
رحت المستوصف قلت ابي منشطات بحمل اللي عندي ابلشني قالت صعب وبطانة الرحم رقيقه ماراح يثبت الحمل استني كم شهر تتحسن وعطتني علاج يحسن البطانة
قلتله تقول صعبه انجن وعصب هذي ماتفهم هذي غبيه روحي الثانيه انتي ماتبين تحملين انتي تهربين انتي تبينها من الله انتي ماودك ابلش راسي هبل فيني تقل ماعنده ولاطفل لا وبعد رمضان جاي وعاملتي بتسافر الاسبوع الجاي والوضع مايسمح الحمل والتعب والارهاق وهذا ابو الانانيه ماطق خبر وقبل شوي زعل وسوى سالفه ليش تجيني الدوره وما اطلع حامل واقوله المشكله بطانة الرحم يبيلها وقت يسكتني اسكتي اسكتي لاتشرحين لي روحي عالجي روحي عالجي خلصيني ابي نهاية الشهر تكوني حامل هو متخلف ولاعنده نقص يحسب الدكتوره عندها عصى سحري شبيك لبيك الحمل بين يديك مايدري انه كل شي يحتاج وقت المشكله كل تحاليلي ممتازه هرمون الحليب و الغده وكل شي طبيعي مافيه تكيسات مبيض اهم شي الصبر والانتظار وبيصير الحمل لكن اذا عندك شخص مهبول وحار يوترك ويعكر يومك هنا المصيبه انا مادري شلون اتصرف معاه تخيلو راح حلل يشوف هو طبيعي ولالا شك في نفسه الشهر اللي فات مو صاحي ما ادري متى بيركد ويصبر

17 تعليق 2,838 مشاهدة

شاركي في النقاش

سجلي الدخول لإضافة تعليق.

التعليقات

17
  1. @ahb_ahl_alod

    الله يهدي بالك
    فعلا أمره عجيب
    قوليله عندك اطفال أشبع عاطفة الأبوة فيهم واشتريلهم واهتم فيهم عبال ما ربنا يكتب لنا طفل جديد
  2. @blnsya

    صاحبة الموضوع
    لا وانا وحده الحمل دائما عندي مو ثابت يعني لازم مثبتات وانسدح ومااتحرك واقوله الوضع مايسمح الشغاله بتسافر الاسبوع الجاي ورمضان جاي قال ابد اذا حملتي وماعندك شغاله رمضان كامل كل شي من برى والمواعين انا بحطهم بغسالة المواعين مالك دخل بشي انا مادري ليش يبي يشقي بعمره ابفهم وش حاده طبعه غريب من طلعته اذا حط شي براسه متعب ويتعب اللي معه

تابعي تجارب أخرى من هذا القسم.