💗💙 التباشير (٨) لمواليد شهر مارس ، شهر ابريل لعام ٢٠٢١ 💙💗

انتي بالثامن وش معجلك ع الولاده 🥴
خليها تجي بوقتها بالتاسع ان شاء الله ومايحتاجون البيبيات عنايه

مبرووووك والحمد لله على سلامتك
والله يجعله عبد صالح وتقر عينك فيه
💙🌷

ربي يسلمكم ويبارك فيكم جميعاً 🌸
اكشن ولادتي بتوق حبيبة قلبي 🤍
ياطويلات العمر زي ماقلت هنا انه يوم الجمعة كله كان عبارة عن الآم وطلوق ونزل مني افرازت ثقيلة مع شوووية دم قلت خلاص مابدهاش لازم ارووح وفعلاً رحت هناك سدحوني حطوا جهاز الطلق الا والطلق بح مافي ولا كأني كنت اتوجع بالبيت المهم طلعت البيت أكلت تمر مشيت شوي و شربت مويا دافية مع عسل ونمت ،،
صحيت قبل الفجر ع مغص قوي وتحجر المغص ماسكني اسفل بطني مع ظهري المهم قلت بصبر اخاف انه بارد ، دخلت الحمام وانتوا بكرامة الا وفيه افراز مع دم
قلت برضوا مو رايحة الحين خفت اروح ويرجعوني
المهم الالم زاااد وفي وقت متقارب والدم فيه قلت يابنت روحي لاتولدين بالبيت 😰
المهم رحت هناك قالوا كويس في طلق منتظم ومتقدم وكشفوا مفتوح ٤ سم وقالت كويس قدرت امسك راس البيبي يعني ١٠ الصبح بالكثير والده ، وفعلا قاعد يتقدم الطلق اكثر و اكثر بالتدريييج وانا اجلس اسوي شمي ورده طفي شمعة يعنني خبرة في الولادة ، المهم وصلت ٩ سم وخلااااص وصلت مرحلة الدفع ويقولون لي يلا بوووش بوووش وادفع وادفع وادفع ولا راضيه البنت تنزل احاول مافي فايده هم يحاولون مايدرون شيسوون وفجاءة يطلع صوت زي الانذار من جهاز الطلق ويرتبكووون ويجرون ينادون الاستشاري ويجي الاستشاري يقول نبض البيبي نزل و يكشف ويسالني والده قبل طبيعي؟ قلت ايه مرتيين قال طيب وش المشكلة الحين ؟؟؟ ويفحصني وقال في شي مانع البيبي انه يطلع يلا عملية 😢😢😢 قلت لااا كيف وليش وقاموا يركبون لي قسطرة ويجهزوني للعمليات وانا طول ذا الوقت ادفع غصب عننني وهم يقولون لا خذي نفس قلت ماااقدر البنت بتطلع اصبروا علي😢 دخلوني عمليات والحمدلله طلعت بنتي بالسلامة و لكن كانت مخنوقه بالحبل السري و الشي ذا سبب لها ضعف في نبضات القلب ومنعها من انها تنزل ،، والحمدلله هي طيبه الحين وطمني الدكتور ولا تشتكي من شي اللهم لك الحمد والشكر تعبت كثير لكن شوفتها نستني كل الوجع
حاولت قد مااقدر اولد طبيعي والوضع في السليم لكن قدر الله وماشاء فعل ،،،
والحمدلله من قبل ومن بعد ،،

ماشاء الله اكشنك مريح تبارك الله
وكويس لحقتي على نفسك ووصلتي المستشفى بالوقت المناسب

موجوده انا
الحمد لله بخير
🌷
وانتي كيفك مع التاسع وغرابيله