بنات ساعدونى انا مصدومة و متفاجأة و مرتبكة
انا كتبت كتير هنا كتير موضوعى انا pcos و متابعة مع دكتور بتاعى ف مصر و ظبطلى الدنيا قبل ما اجى لزوجى السعودية و جيت على ايام تبويضى فى شهر يناير كنت باخد فيمارا مرتين ف اليوم لمدة ٥ ايام و اقراص جلوكوفاج ٥٠٠ مرة باليوم و من اليوم ال ١٦ للدورة بدأت دوفاستون مرتين ف اليوم و فوليك اسيد لمدة ١٠ ايام زى ما الدكتور قالى الشهر اللى فات كنت نسيت دوا دوفاستون و تأخرت الدورة و عملت اختبار و طلع سالب و كلمت الدكتور قالى طالما نسيتى الدوفاستون خدى ٣ مرات ف اليوم لحد ما نشوف هيحصل ايه و نزلت الدورة و كان نزيف شديد لمدة ٧ ايام متواصل و قولت ربنا ما ارادلى .. من تالت يوم للنزيف بدأت فيمارا تانى مرتين ف اليوم و مشيت مظبوط الشعر ده و الدورة متاخرة عليا يومين عملت اختبار دلوقتى و ظاهرلى خط واحد بس ... انا نفسيتى تعبانة 😭 مصدومة و كنت متأملة خير من ربنا و الاعراض اللى حسيتها الشهر ده غير الشهر اللى فات و كل شوية تعب و كل شوية خنقة و اول مرة الشهر ده احس بألم فى صدرى عمرى ما صدرى وجعنى ولا قبل ما اتجوز و اتأملت خير و مش عارفة افكر دلوقتى 😭😭😫 ادعولى يا بنات ربنا يرزقنى بالذرية الصالحة انا بعتذر طولت عليكم بس حقيقى محتاجة دعوات بظهر الغيب