عطوني رايكم بتقسيم شقتي

السلام عليكم ياحلوين
طبعا موضوعي حابه اخذ رايكم فيه من خلال تجاربكم ومعرفتكم بهاالامور
في البدايه انا اسكن شقه صغييره ببيت حمولتي.. عباره عن غرفة نوم رئيسيه ومطبخ وصاله ودرسنج صغيير وحمام.. وعندي طفلين وحامل بالثالث.. و وضعنا في الشقه م الصاله للغرفه ومن الغرفه للصاله هههههههه بس انا اسكن بالدور الارضي وشقتي بابها ع الصاله الخارجيه وهي كبيره وحماي يسكن تحت بغرفه معنا بنفس الدور.. يعني اللي اقصده عندي متنفس اذا طلعت م شقتي اقدر اجلس بالصاله الخارجيه بس احيان ما اقدر عشان ما ازعج حماي اذا كان موجود بغرفته.. وهالفتره تطري ع بالي فكره بما ان صالتي كبيره وقبل فتره اخذت جزء صغير منها وعملته درسنج.. يعني الدرسنج بالصاله... المهم هالايام افكر اني اوسع الدرسنج واخليه غرفه لعيالي يعني بتصير صالتي صغيره وكمان بتطلع معي غرفه صغيره وهالغرفه بتكون لاولادي.. الان زوجي معارض هالفكره وانا متردده اخاف يصير الوضع مو مريح لي او للاولاد وبنفس الوقت احس محتاجه يكون لهم غرفه مستقله.. خصوصا ان غرفتهم راح يكون فيها دولاب كبير يعوضني عن مكان التخزين وطبعا راح ياخذ مساحه م الغرفه.. واحيان اقول لا اجلس على وضعي وانوم عيالي بالصاله.. انتو كيف تشوفون؟؟

7 تعليق 2,338 مشاهدة

شاركي في النقاش

سجلي الدخول لإضافة تعليق.

التعليقات

7
  1. اشوف انه اذا زوجك عنده استطاعه يستأجر لك شقه أوسع او عالاقل غرفتين وصاله استأجري أفضل بيصير لك خصوصيه ومكان لاولادك وتاخذي راحتك أكثر
    اما اذا ما عنده استطاعه فأنا اشوف انه لو قسمتي الصاله بيصير الوضع مو مريح وزحمه خصوصا انك قلتي ما تطلعي الصاله اللي برا عشان ما تزعجي حماك
  2. @gmalk_shrny

    يااختي انتي ادرى بوضعك
    بس وش سبب رفضه
    اذا انتي تشوفين ان وضعكم بيترتب كذا
    وطيب المطبخ كبير ووسيع اذا ايه حطي فيه التلفزيون
    والجلوس
    والصاله تكون غرفه لعيالك
    الرجال سبحان الله مايحسون بالضيق
    انتي اشرحي له وفهميه
    وان ارتب وتترتب الغرفه وكذا
  3. حلوووو تخطيطك
    ماعليك من زوجك الرجال مايهمهم المنظر العام ،
    حاولي معاه قولي له ابغى اولادي يكون معاهم غرفة تشيل سرايرهم ومتطلباتهم ودواليبهم وصالتي ابغاها مترتبة لراحتنا النفسية ،
    اذا هو خايف من الضيق قولي له مع الوقت بنرتبها ترتيب والوان ورفوف بحيث تتوسع معانا
  4. @snoayt_23

    اشوف انه من حق اطفالك يكون لهم غرفة مستقله حتى لو كانو اطفال النوم في الصاله مو مريح
    سوي لهم غرفة وحطي لهم فيها اسره
    وحاولي الاثاث مايكون كثير وكبير والالوان تكون هاديه ومريحه
    عشان يقدرون يجلسون فيها ويلعبون باقي اليوم

تابعي تجارب أخرى من هذا القسم.