حساسه من هذا الموضوع احس بالنقص 😔
السلام عليكم ورحمه الله وبركاته قبل 3 اسابيع 🤕 توفت خالتي الله يرحمها ويسكنها الجنه طبعاً كل شي متراكم على زود على نفسيتي الشينه خالتي توفت و عورني قلبي عليها العزاء والله العظيم انه عباره عن سوالف وهياط بين معارفنا كنت جالسه وزوجه خالي قاعده تسولف مع وحده من قريباتنا تقول ان بناتها تقدم لهم الين الحين 30 شخص وكلهم في مناصب مرموقه وبناتي كلن يخطب فيهم وبناتي مادري ايش طبعاً للتوضيح بناتها 4 كلهم متزوجات و ازواجهم بمناصب مرموقه لاكن تقول الين الحين وهم يخطبون بناتها قالت الثانيه والله حتى بنتي للحين يخطبونها حتى وهي متزوجه من يوم كانت في المتوسط وهم يخطبون طبعاً يا اخواتي انا كبنت عمري 32 سنه حسيت بالنقص فعلاً كل البنات ينخطبون الا انا محد خطبني ولا حتى بالكلام احس مره قلبي تعبان الحمدلله جميله مو ناقصني شي وجسمي تمام و كنت قبل المناسبات اروحها بكامل زينتي بس محد حولي والثانيه قاعده تقول الحمدلله اني زوجت بناتي وشفت احفادي قبل لا اموت عاد امي قاعده تناظر فيني كذا 😒 مادري وش بيدي اسوي لاكن فعلاً احس بالنقص 🥺 من كل وحده تتكلم وتقول بنتي حامل بنتي ولدت بنتي انخطبت متى اسمع امي تبشر صديقاتها واللي في عمرها بزواجي وبحملي اقسم بالله ان فيني غصه اعوذ بالله من الشيطان الرجيم الله يهدي هذا الحريم حتى بالعزا هياط وكلام