ظاهرة المشروبات والمقاهي والمطاعم الترند .. تشترين قهوة بأربعين؟

لا انا اروح لأنه هبه أحياناً ههههه بس شيء يوافق ذوقي .. يعني هبات أكلات معينة ما تعجبني مثل حوسة الشبسات ودوريتوس ومدري ايش ، ما أشتريها لو وششو

و الصراحة إذا حطيته بسناب و ما عجبني اقول للي عندي تراه عادي برأيي

إحنا شعوب على الهبة
مو بس في الأكل والشرب حتى الملابس والأثاث وووووو
أذكر قبل سنتين كل البيوت قلبت بويات بيضاء وكنب أو ورق جدران مورد
وفجأة الحريم كلهم صاروا مايتقهوون إلا والمبخرة مرتزة في وجيههم ..
وجزم ييزي وإنتم بكرامة رغم إن موديلها تعيس ومالها منظر
إلا إن الناس طارت فيها
وشهر العسل لازم ماليزيا لازم ولا ماتعتبر أعرست 😂😂
حتى الرجيم كل الناس صارت تاكل ( كيتو )
للأسف الشعب عندنا مايحب التميز يحب الشو والمظاهر
طبعا إلا من رحم الله .. فيه ناس عاقلة وتعرف تميز الشي اللي تبيه
والشي اللي تحتاجه

احب استمتع بلحظتي ماأحب التصوير نادر اصور لنفسي احب القهوه المره مو القهوه والمشروبات الي فوقها كريمه وأشياء كلها سعرات حراريه ودهون جربت من كوفيهات معروفه أقل من عاديه ماتفرق عن الكوفيهات الثانيه بس زيادة سعر ادفع على قهوه مميزه اما قهوه مثلها مثل غيره بس علشان اسم محل يضحكو ع الناس

هههههههههه ذكرتيني بهبة الدهان الأبيض شابي شيك

ولا تنسين هبة ركن القهوة .. كل بيت لازم ركن قهوة حتى لو ما يحبون القهوة ههههههه .. لدرجة حتى محلات الكماليات صارت تبيع ركن قهوة ..

ماليزيا صدق كانت هبة قبل عشرين سنة و أكثر .. كللللللل العرايس ماليزيـا

أحذية ييزي مكتسحة الساحة حالياً ..

حتى حلى القهوة .. يهبون بشيء معين .. والكل يشتريه.. أو براند تشوكلت معيـن ..

الصراحة حالياً هانوفريان من ناحية ( التشوووكلت ) مو مشروب .. التشوكلت حقهم لذيذ ويستاهل انه يكون هبـة

تذكرون حلى الخشخش ؟

يمكن انتي مو من محبين التصوير بسناب

وكييفة فهوة

صدق مفروض ما نشرب سعرات !