ظاهرة المشروبات والمقاهي والمطاعم الترند .. تشترين قهوة بأربعين؟

حياك الله منورة برجعتـك

ترى حلو الكبتشينو الي تقصدينه

يمكن فئة الشباب أكثر فئة مربحة المقاهي هنـا

وكل مقهى أول ما يفتح يصير عليه زباين بعدين يهش ذبان إلا من رحم ربي

السناب عندي للفائده، وضايفه المشاهير اللي استفيد منهم..

لا انزل صور..

ولا عندي احد من صديقاتي او قرايبي في السناب..



ومستحيل اروح مكان علشان الناس هابين فيه، اصلا لو رحت اي مقهى او مطعم وشفت طابور لو يوزعون ذهب تركته ورحت ادور قهوه ثانيه 😁..



ومزاجي في القهوه محدد، اشرب القهوه علشان طعمها ومرارتها ويهمني جودة البن،

القهاوي بالنكهات احسها تلوع الكبد وماهي قهوه،

كورتادو او كابتشينو وأحياناً قهوه تركيه، هذي القهاوي اللي اشربها..

عمري ماشربت الخرابيط اللي عليها كريمه ونكهه وكراميل، احسها تفقد القهوه طعمها..

وقهوتي مره بدون سكر..



معليش اللي يصورون ويوقفون طوابير عجزت افهم مزاجهم 😩..

واحس الموضوع لايخلو من السطحيه، اروح علشان الناس تقول راحت او اصور علشان هبه او ترند،

مااعتقد انسان ناضج يسويها..



اذا بروح مقهى علشان مزاجي الشخصي وعلشان اروق❤️
ومايسعدني التصوير، ممكن يكون مصدر سعاده ومتعه لكثير من الناس لكن ماني منهم..

ههههههههههههههه
اذا مو تكساس انتي مو حرمة

قبل 7 سنين ما كنا نعرف شيء اسمه هايفو .. ولا الثيرا . ولا تقنية بروفايلو .. ولا مدري وشو

واتكساس هذا اصلا مسوينه للرجال و حنا خليناه هبة حريم

أهلين فيث .. عاد انتي ردودك دايم تعجبني

غريبه ما عندك أحد من الأهل ؟ طيب و إن طلبو سنابك وش تقولين ؟؟

وهم يدرون ان عندك لأن السواليف دايم يجي فيها طاري سناب

.. طيب انا اعرف شخص يشتغل في كوفي يقول يجو يطلبو طلب ونجيبه لهم بعدين يقولو لا مانبي ذي نبي الي عليها رسمه ويجيبونها لهم ويصورونها ويخرجون حتى من دون م يذوقوها
.. يعني حتى اسامي القهوه مو عارفينها بس يصورونها عشان شوفوني اروق راسي المربع المعفن ..




عن نفسي يوميا لو ماشرب احس صداع يمسكني وماعد اطيق لا شاهي ولا قهوه تركيه ولا عربيه .
اشرب لاتيه ، سبانش ، فلات وايت، رد فلفت وكل كافيهات منطقتي وبرا منطقتي جربتها
بس م عمري طلبت او سمعت ان فيه قهوه باربعين
ريال صراحه ؟ اغلى قهوه طلبتها كانت ب ٢٤ وبالنسبالي عادي جدا عالسعر
وانا من الي يحبون الكافيهات ويستمتعون بطعم القهوه
يعني تذوقينها مره ورا مره تندمنينها




نسيت اذكر موقف ..
صديقتي من هالنوع مره خرجت انا وياها وطلبت قهوه وصورتها وتركتها بردت ورمتها حتى تذوق م ذاقتها لانها م تحبها
مادري ايش الفايده ؟ في اني اصور شي انا ماحبه بس عشان اجاري الناس ؟
احس تخلف