ظاهرة المشروبات والمقاهي والمطاعم الترند .. تشترين قهوة بأربعين؟

كنت زمان قبل السناب والانستقرام والمشاهير وقبل هالدنيا ادفع
كانت اختي الله يرحمها تستغرب اني ادفع
اللحين لأ ابدا
حتى لو بطلع مع احد من العائله وهو يبي يجيب لي ارفض
ذوقي تغير واحس تغيرت والحمدلله صرت احب شغل البيت

الصراحه المطاعم والكافيهات اللي اطلعهم ما اروح لهم الا لمن اشتهيهم يعني و مو اي شي اشربه ابداً لي اشياء معينه من فتره طحت على مكان يبيع دونات الزعتر والتشوكلت و قهوتهم السوداء لذييييذه يعني الريال في هالمكان مو خساره صرت شبه يومي اخذ منهم و بعد لي مطعم معين غالي جداً جداً نظامه اوبن بوفيه وصراحه لمن اروح ما الاقي احد فيه احيان الاقي واحد او اثنين فقط و ادفع فيه دائماً ما استخسر ابد واعزم اللي احبهم فيه دايم و الاقي هالمطعم بالنسبه لهم تقييمه توب الحمدلله زبدة الحكي ان فيه اشياء صحيح غاليه ولكن سعرها فيها ..

والله على حسب
ماننكر اننا نشتري بعض الاشياء الهبه عشان نصور هههههه
بس فعلا كيف بتعرفين طعمه حلوو بدون ماتجربين
ان عجبنا شريناه مره ثانيه اذا لا خلاص نسحب عليه
فيه اشياء مغريه بالتصوير وتتحمسين تذوقينه
وفيه اشياء باين انها لا او انتي ماتحبين مكوناتها هنا عاد م نشتريها
وبالنسبه لي أحب اصور مرررره واستمتع
وطبعاً المشاهدات مايهمني الا شخص واحد فقط
لو مو عندي بسناب هالشخص كان اصصلا ماصورت 🤣🤣🔐💖
وبعد احب اكتب بتويتر عشان هالشخص برضو عندي واستمتع بالتلميحات وتعليقاته
اما الانستقرام مو عندي فما اهتم ههههههههه
ودايم يوجعني قلبي ان اخاف اصور شي الناس مايقدرون له
بس للاسف فعلا مبتلين بالتصوير 💔


اما لو عاد بقول في نفسي مابروح هالمكان عشان المشاهير والناس راحوا له عز الله ماتحركت ولا طلعت مكان
الوسطيه حلوه حلو تصير مواكب العصر بعقل وحدود
وتجرب وتذوق وتستمع بلاش تعيقد الحياه مره


بس فعلا التصوير وسناب خلانا مهابيل

عاد اهل الرياض مهابيل. درجه اولى
لان كل شوي يفتح مجمع مطاعم وكافيهات جديده
وربي مو قادرين نلحق شي
بس اتوقع المناطق الثانيه مايعانون مره زي اهل الرياض
لان كمية الكافيهات والمطاعم مااتتقارن باللي صارت بالرياض

الحمدلله عمري مارحت مكان عشان اصور!
اروح له برغبتي ومشتهيه هالمطعم


و المقاهي والهوت شوكلت وقهوه فرنسيه و كابتشينو وهالمشروبات الي تنقال بكلمات انجليزيه👀
ماحبها فقط احب الموكا البـارد ومب اي موكـا😋


انا من عُشـاق القهوه العربية😴♥️


ولا تمشيني لاموضه ولا هبه ولاترند
الي يعجبني اسويه او اشتريه او اوفره👌🏻💯