شاركي في النقاش

سجلي الدخول لإضافة تعليق.

التعليقات

227
  1. @mn_baadhm_lm

    عواطف تركي .
    اليوم شفت تعليقات قوت بهذاك الموضوع عني واحترمت قرارها اللي اتخذته انها تعطيني تجاهل واشوف انها عملت الشي الصحيح اللي يناسبها ويريحها وبنفس الوقت ما يضرني وهذا من ابسط حقوقها .. رغم اني لما قرأت تعليقاتها ما اتذكرت وش صاير بينا او انا وش…
    مايعجبني الملتزمه إللي تشوف نفسها في برج عالي والآخرين كلهم سيئين ومن المغضوب عليهم
  2. @aaoatf_trky_2

    صاحبة الموضوع
    احب أهل الود
    يمكن نوصل لمرحلة يفيض الكيل نحاول نضبط ونضبط ونطنش ونتغاضى الا فجاءة وصلنا للانفجار والطرف الاخر ما زال مستمر بغباءه وبلادته وظلمه هنا وايش الحل ...خصوصا لو كان لا مفر من هالمرضى النفسيين ؟؟؟ الحل ما الحل؟؟
    احنا بشر حتى لو صبرنا وتصالحنا مع الظروف والواقع يمكن يجينا وقت نمر بظروف معينه او هذاك اليوم بالشهر تكون نفسيتنا متأزمه وملخبطه ونكون قابلين للانفجار هذا الشي طبيعي يحصل بشكل نادر
    لكن لما يكون الانفجار متكرر هذي اسمها مقاومه وصراع وضغط على النفس وليست تجاهل وقبول وتسليم لله
    لان لما يفيض بك الكيل وتحسين بالانفجار معناه تجاهلك لهم عباره عن تجاهل ظاهري بينما بالداخل انتي مضغوطه وجالسه تحترقين ومتفاعله بكل مشاعرك وكيانك معاهم وهذا الشي غلط

    الحل انك توقفين مشاعر الرفض اللي بداخلك اتجاه هذول الناس وتجففينها بالتدريج
    يعني تقبلي فكرة وجود ناس مؤذين بالحياة لان الحياه فيها اصناف واشكال مو كل الناس يشبهونا
    تقبلي فكرة انك تنفرين وتنزعجين من هذي النوعيه من البشر لان شعورك طبيعي
    لكن بنفس الوقت تذكري ان اصلاح البشر ليست مسؤليتك
    انتي فقط مسؤله عن اصلاح نفسك ولك كامل السلطه في تعديل وتغيير نفسك

    واذا حاسه بغضب مكبوت بداخلك اول شي عبري عنه وفرغيه عشان تقدرين ترممين نفسك وتبدأين صفحة جديدة
    مثلاً اكتبي كل اللي تحسين فيه بورقه ثم اضربيها واحرقيها اهم شي فرغي اللي محتقن بداخلك
    او اجلسي بمكان لحالك وقولي كل اللي بخاطرك حتى لو انه كلام خرابيط قوليه وعبري عن اللي يوجعك وتحسين فيه من ظلم وقهر واذا دعت الحاجه ابكي وشاهقي مثل الطفل عشان تساعدين نفسك تفرغين اللي بداخلك

    واحب اوضح اننا لما نقول تجاهلي فلان من الناس نقصد تجاهل بالمشاعر بحيث انك ما تتفاعلين من داخلك مع الاذى اللي تسمعينه وتشوفينه كذا يكون التجاهل و التسليك الحقيقي الصحيح
    لان الهدف من استخدام التجاهل انك تريحين نفسك وتحفظين طاقتك ومشاعرك من الاستنزاف والاهدار على الفاضي
    وليس الهدف من التجاهل اننا ننغير الناس ونصلحهم او نتجاهلهم على امل انهم يتعدلون < هذا الشي اللي لازم تفهمينه

    اما بخصوص شعورك بالظلم لازم تشوفين له حل او تتصالحين معاه اذا ماتقدرين تحلينه وخلاص تقنعين نفسك من الداخل ان الامر كله تفوضينه الى الله هو احكم الحاكمين وقفلي ملف التظلم وارسليه لله وانسيه وتوكلي على الله

    احياناً نحتاج نتأقلم ونتعايش بطريقة ما ونرضى ونقبل ظروف صعبه لان مافي يدنا حيله غير اننا نقبلها برضى
    عشان كذا نقول ركزو على الايمان اللي من ضمنه القبول والرضا بالقضاء والقدر خيره وشره وهذا اصعب شي على النفس وامتحان يوجع اننا نقبل الشر والاذى ونتصالح معاه ومانحس بالرفض والنفور منه لكن سبحان الله اذا نجحتي في هذا الامتحان ربي يبدل وجعك بالسلام واللطف والرحمه تسكن اعماقك
    وحتى التسامح لانه صعب ومر اننا نعفو عن اللي آذانا لكن سبحان الله اللي عالم بقلوبنا لما فعلاً نسامح ونصفح يطفي النار اللي بقلوبنا ويحولها سكينه وسلام ورضى
    اذا تبين ترتاحين عليك بإصلاح نفسك فقط لا تحطين في بالك هدف اصلاح وتغيير الناس
    كلنا بشر ونفهم مشاعر بعض لكن في ناس تتخذ قرار انها تنضج وتكبر راسها وتتجاوز سفاسف الامور وتقزمها وتصغرها بنظرها عشان ماتبقى عالقه في وحل الالم النفسي والعاطفي
    ويمكن الشي اللي يساعدك في البدايه انك تركزين على الايجابيات اللي في اعدائك رغم صعوبة الامر الا انه بيساعدك تخففين من حجم السلبيه اللي بداخلك عليهم وتمنعك من الراحه
    كلنا مثل مافينا خير وايجابيات اكيد لنا سلبيات حتى لو قليله محد فينا كامل كذلك اعدائنا اكيد لهم ايجابيات ابحثي عنها وكبريها بعينك
    وتذكري انك لما تسوين كذا انتي اشجع واقوى وافضل منهم لانك قدرتي تسوين شي هم ماقدرو يسونه
    والنتيجه الايجابيه انتي اللي بتحصدينها ويمكن اعدائك يتحولون لاحباب بقدرة الله وقوته
    الشخص اللي يجعل الله بين عيونه وفي جميع تصرفاته وتعاملاته واسلوبه ومعاشرته مع الاخرين والله مايتعب ولا ينوجع ولا يهتم لثرثرة الكذابين الظالمين لانه يعي ويستوعب ان الله احكم الحاكمين وهو اللي ينتصر للعباد

    ولو الانسان يتذكر بس انه في هذي الدنيا مجرد زائر غير معمر وغير مخلد فيها والله ماكان تمسك بالسفاسف والصغائر
    شوفي كل يوم يموت ناس صغار وكبار وش اخذو معاهم ؟
    والله مايبقى غير الذكر والاثر اللي نتركه من بعدنا
    اعمارنا محدوده اختاري اما تعيشين عمرك بسلام او تهدرين عمرك في الشقاء

تابعي تجارب أخرى من هذا القسم.