هلا shadows
أناساكنه حاليا في North Olmsted قريب المول في Butternut Ridge في شقه دورين حلوه مرتبه 3 غرف وحمامين يعني وايد شرحه ووسيعه بس صارتلنا مشكله ويا إللي سكنين تحتنا لأنه عندي ولد عمره سنتين ماشاء الله حركي وتعرفين بيوتهم خشب وألحين بننتقل بنروح Parma Heightes في Big Creek تاون هاوس
وبالنسبه للأسواق ما خليت مكان ما رحتله رحت الآوت لت في مكانين قراب وفي واحد بعيد قريب لكولومبس سمعت إنه كبير إنشاء الله بروح له والمولات كلها رحتلها
وعن العايله إللي من العين على ماأعتقد أعرفهم الريال مع زوجي في الجامعه ومن نفس التخصص بس ما صار أي إتصال بيني وبين زوجته لأنه هم ساكنين في منطقه كلهاعرب وما شاء الله معارفهم وايد وهم طبعا صارلهم أكثر من سنتين هني ونحن تونا مكملين 5 شهور لو إنها تبغي تتعرف جان إتصلت وقالت إذا محتاجين أي شي حسيت إنهم مكتفين مايبون
ولظروفي الصحيه أعالج في مستشفى الجامعه ودكتورتي فلسطينية من مواليد الإمارات حبوبه وايد بس بينا إتصالات لأنه ظروف شغلها ماتسمحلها بالزيارات ولي صديقة عراقيه عرفتها عن طريق زوجها يوم كنت بولاية أيوا وماشاء الله عليها إجتماعية وايد ولأنه العرب أقليه هناك بس كلنا نعرف بعض وكل يوم نجتمع عند وحده وفعلا ماحسيت بالغربه أبدا وايد مفتقدتهم والله
وعن الدواء سألت دكتورة عيالي هني في أمريكا وقالتلي نفس الكلام إللي قالي عنه الدكتور زوج صديقتي لأنه مابستخدمه على طول بس في الرحلات الطويله في الطياره وأناجربته والحمدلله نفع
الاماراتيات في الغربة
متابعة النقاش، صفحة 30