شاركي في النقاش

سجلي الدخول لإضافة تعليق.

التعليقات

431
  1. @aankaaa_zhr_alrman24

    صاحبة الموضوع
    يارب لك الحمد رجعت للرقية وقل حيل الملل اللي أحس فيه لما اقرا القرآن وبعد صحتي صارت أحسن من قبل صحيح قبل أسبوع كنت أحسن بس الحمدلله جذي وايد ممتاز ولله الحمد والمنة


    اليوم قريت ست أجزاء ( صارلي يومين أقرا من سورة الفاتحة للمائدة لأني متعودة على قراءة السور الأولى لحد ماتصير صحتي أحسن وأرجع أختم القرآن الكريم _ ناوية من بكرة أبدا الختم اذا الله يسر )


    وأحس اليوم كان طويل وعندي وقت وايد وهذا مايحصل معاي إلا قليل ..
  2. @aankaaa_zhr_alrman24

    صاحبة الموضوع
    كيس مخلط
    استغفرالله.. انا بعد صادني كسل من قراءة القرآن وتشكيك ان فيني شي، مع ان بس ابدأ قراءة يبدأ النبض في جسمي، و رفرفة، و اصابعي تتحرك بروحها
    كيس مخلط استمري وطنشي الوسواس اللي يقول مافيج شي ترى باين انه فيج شي كفاية بس الرفرفة اللي تحصل معاج

    الرفرفة هذي أنا من بديت الرقية وللحين فيني لما أقرا القرآن بس الحمدلله قلت وايد معناه ان وايد حسد راح بإذن الله ..
  3. @aankaaa_zhr_alrman24

    صاحبة الموضوع
    المشتاقة لجنةربها
    هل فيه رقيه معينه ؟! اسال الحي القيوم ان يشفيني ويشفي كل مريض
    حنا هني بالتجمع نقرا خمس أجزاء وستة وعشرة ماشاء الله لأننا من زمان نقرا القرآن والحمدلله صرنا نقدر أجزاء كثيرة

    إذا تقدرين اقري خمس أجزاء إذا توج بادية الرقية اقري سورة البقرة واذا هم صعبة سورة البقرة اقري مثلا 40 آية مثلا من سورة البقرة و زيدي كل يوم + الرقية من القرآن والسنة ..
  4. @aankaaa_zhr_alrman24

    صاحبة الموضوع
    المشتاقة لجنةربها
    هل فيه رقيه معينه ؟! اسال الحي القيوم ان يشفيني ويشفي كل مريض
    في شي مهم جدا جدا مثل أهمية الرقية وهي الأذكار ضروري تحافظين على الأذكار .. اذكار الصباح والمساء
    واذا طافج وقت اذكار الصباح مثلا أول ماتقعدين من النوم تقولين ( لا إله إلا الله وحده لا شريك له له الملك وله الحمد وهو على كل شيئ قدير 100 مرة )

تابعي تجارب أخرى من هذا القسم.