طريقة المقابله الشخصيه؟؟

بنات الله يعافيكم بسألكم عن طريقة المقابله الشخصيه فيه جامعات الرياض للبنات يعني لازم حضور الطالبه او اقدر أجلها مثلا هل يحق لي اجلها اذا عندي عذر او لازم في نفس الموعد اللي يحددونه؟؟؟ وبسألكم عن الحين الاختبارات في شهر ١٠ على خير ان شاء الله متى بيكون وقت المقابله يعني باالعاده واللي عارفينه كم المده بين نهاية الاختبارات الى موعد القبول؟؟؟؟ والتقديم يكون الكتروني او زي زمان لازم اروح واودي الملف😅؟؟ معليش كثرت الاسئله لانه والله مظطره لازم اعرف الاجابات واكون لكم شاكررررره😊😊

12 تعليق 770 مشاهدة

شاركي في النقاش

سجلي الدخول لإضافة تعليق.

التعليقات

7
  1. @newmum

    -
    وش الجامعة؟
    انا درست بجامعة الأمام بالرياض مافي مقابلة ولاشيء..
  2. @fkham_alasm

    صاحبة الموضوع
    ياحبيباتي مشكورات جدا جدا اللي تسال عن الوظيفه لاياقلبي ماهي وظيفه اقصد دخول الجامعه واللي تقول مبيته النيه والله مدري وش اقولك صراحه هو بس احط قدامي احتمالات واللي تقول جامعة الامام مافيها معقوله يعني فيه اقسام بدون مقابلات ياليت احد يرد علي واكون شاكره وممتنه💓
  3. @newmum

    فخامة الاسم
    ياحبيباتي مشكورات جدا جدا اللي تسال عن الوظيفه لاياقلبي ماهي وظيفه اقصد دخول الجامعه واللي تقول مبيته النيه والله مدري وش اقولك صراحه هو بس احط قدامي احتمالات واللي تقول جامعة الامام مافيها معقوله يعني فيه اقسام بدون مقابلات ياليت احد يرد …
    -
    يسّ متأكدة جامعة الأمام كل الاقسام مافيها مقابلات..
    انا تخصص ادبي فالامام مافي مقابلة
    وبنت خالتي في مسار العلوم التطبيقية برضو مافي مقابلة..
    واختي حالياً تدرس تسويق في جامعة الأميرة نورة برضو ماسوت مقابلة..
    ريحي بالك مافي مقابلة 💕
  4. @fkham_alasm

    صاحبة الموضوع
    NewMum
    - يسّ متأكدة جامعة الأمام كل الاقسام مافيها مقابلات.. انا تخصص ادبي فالامام مافي مقابلة وبنت خالتي في مسار العلوم التطبيقية برضو مافي مقابلة.. واختي حالياً تدرس تسويق في جامعة الأميرة نورة برضو ماسوت مقابلة.. ريحي بالك مافي مقابلة 💕
    زيييين ياروحي تسلمين على الاجابه مشكوره♥️

تابعي تجارب أخرى من هذا القسم.