هل ممكن ان طبع الانسان يتغير

السؤال هذا بعد ماسمعت في قصص لو ما اعرف اهلها كان يمكن قلت مو صحيح
اعرف رجال عنده زوجه بينهم عشره عمر يعني تقريبا فوق ال١٥ سنه اكثر الاشياء مايسويها لها فقط الضروريات يعني تقدرون تقولون شوي شديد هو مو مقصر في الواجب بس السفرات والدلع وكذا لا
تزوج عليها وبعد الزواج انقلب طبعه سبحان الله صار يدلع الثانيه دلع والله العظيم لو اقوله تستغربون يعني مررره مدلعها
ويسفرها واي شي تبيه يسويه والله ان كل الجماعه اللي يعرفونه استغربو من كثر مو مدلع الثانيه
اخر شي طلق الاولى
والحين مع الثانيه ..


اوا شي انا يشهد الله ماقصدي من الموضوع هذا الا ابي اعرف كيف يتغير طبع الانسان
يعني الطبع اللي من طلع على الدنيا وهذا طبعه كيف يتغير
كيف مايحب السفر ولا يحب الهدايا ولا يحب الدلع وكل الاشياء هذي عنده مالها سنع
وفجأه بمجرد ان يدخل في حياته احد ثاني يتغير هل الطرف الثاني له يد في تغير الشخص ولا سبحان الله كذا تغير وش السبب اللس بغير طبع الانسان اقسم بالله شي غريب


انا يشهد الله ان ماقصدي من الموضوع الزوجه الثانيه بالعكس احيانا ياخذ الثانيه والثالثه والرابعه وهو ماتغير
واحيانا يتغير سوا عقب الاولى والا الثانيه ولا الثالثه والا الرابعه
يعني انا موضوعي ان كيف الانسان يتغير طبعه
احس صعب الطبع يتغير
ممكن بتغير ذوقه اسلوبه بس الطبع احس شوي صعب
وانتم شرايكم🤍🌹🌹

38 تعليق 4,299 مشاهدة

شاركي في النقاش

سجلي الدخول لإضافة تعليق.

التعليقات

38
  1. ومن قال ان هذي الاشياء طبع هو يمكن يشوف زوجته الاولى ماتستاهل يمكن ماكنت كويسه معه ماتدرين
  2. صاحبة الموضوع
    candy2525
    ومن قال ان هذي الاشياء طبع هو يمكن يشوف زوجته الاولى ماتستاهل يمكن ماكنت كويسه معه ماتدرين
    ماشاء الله زوجته الاولى في شهاده اللي يعرفونها ماعليها قاصر ابد حتى بالجمال اجمل من الثانيه
    ايه انا احسه طبعه كذا يعني يشوف الاشياء مالها داعي
  3. @thlog_bydaaaa

    حسد يراقبون الواحد مع زوجته ويحسدونها على شربه المويه علشانها الثانيه متى ينقرضون اللي يراقبون الزوج ايش سوى لحريمه ويقارنون وعوووه
  4. القلوب بيد الله يقلبها كيف شاء
    الدعااااااء
    التعامل ممكن يغير ناس ومممكن لا مايغيرهم
    في رجال ظالمين لاتزوج يدلع وحده عن وحده ويظلم ويتحمل وزر الظلم...
  5. @aaoatf_trky_2

    التغير والتطور شي طبيعي في الحياة
    لان الانسان كل ماكبر ونضج ومر في تجارب ممكن تتغير اهتماماته وميوله سواء كان متزوج او اعزب
    لكن المشكله اللي طرحتيها الله اعلم ان لها جذور عميقه بدور كل طرف في هذي العلاقه وكيف عاشوا مع بعض
    وهذا الشي له عمق طاقي معين وله آثاره ونتائجه
    يعني الزوجه اللي تحمل المسؤليه عن زوجها وتوقف معه وتسانده بمالها ووقتها للاسف اول مايقوى ويوقف على رجوله ويصير مقتدر اول ماتسمح له الفرصه بيشوف له امرأه ثانيه يمارس عليها دوره الحقيقي كرجل يعني بيعطيها كل شي ما اعطاه لزوجته الاولى وبيعيش دوره الرجولي بعد هالعمر على حساب من ضحت بأنوثتها وصحتها عشانه
    وهذا الكلام قاله احد المدربين في فيديو عنوانه ( لا تصلحي الرجل )
    ركزوا على كلامه في الدقيقه 3


    فيديو YouTube
    طبعاً الكلام لا يعمم على الجميع لكن يختص بفئة ونوعيه معينه من البشر

تابعي تجارب أخرى من هذا القسم.