شاركي في النقاش

سجلي الدخول لإضافة تعليق.

التعليقات

670
  1. @bnt_aboha_14_2

    شخباركم بنات
    ممكن اقولكم قصتي لكم خلق تقرأونها ولا خلاص مليتون من القصص 😔
    تزوجت بعمر 28 وحملت بعدها بشهرين بالضبط ورزقني ربي الكريم ببنات تؤائم طبعا الموضوع عامل وراثي ... المهم هلكت في الحمل وولدتهم قبل موعدهم باسبوعين ظلو بالحضانه وانا ولاده قيصريه ...
    التوأم شي حلو وجميل وتجربه فريده بس في الحقيقه شي مؤلم ومتعب للغايه ... تعبنا وايد معاهم ولدرجه خلتني اعوف الحمل والخلفه انا وزوجي وطبعا بعد ما كبرو ودخل المدارس بديت احن وقلبي يخفق لطفل جديد في البدايه زوجي ما وافقني ابدا ولكن بعد كم سنه وألحاح وافق.
    طبعا وصلت قريب ٤٠ واكيد الحمل بيكون مو بسهاله حاولت وحاولت ما نفع رحت للدكتوره وعطتني كلوميد جرعة ٥٠ تعبت منه كن اول شهر ووقفته بس الشهر الثاني حملت وفرحت ولكن ما نبض الطفل وعانيت حتى انزله وترقدت في المستشفى ونزله بحبوب والحين هذا الشهر الرابع بس الدكتوره عطتني كلوميد ١٥٠ وابر منشطه ل ٧ ايام وخلصتهم ورحت لها عاشر يوم قالت مافي ولا بويضه انصدمت وانهرت معقوله كل شهر افحص في بويضات وشهر الا اخذت منشطات ولا بويضه شلووون😨
    قالت لي وقفي كم شهر بس انا لمتى بنتظر العمر يجري يا بنات والفرص تقل مع طول المده...
    الحين الا محيرني بعد زيارتي للدكتوره بكم يوم بدا عندي اعراض تبويض شلون ؟ ماشعرت بشي وانا اخذ حبوب وابر وبعد ١٠ ايام بدأت اعراض تبويض هل ممكن يطلع بويضات بعد ماكان فاضي المبيض؟ هل ممكن احمل؟ الله أعلم
    من صار لها مثلي من كشفت مافي بويضات وبعدها حملت
    الله يعطيكم ويعطيني الحمل المعافي السليم بإذن الله

تابعي تجارب أخرى من هذا القسم.