هذي الظاهرة كرهتني بالسوق وبالتسوق.. 😬

-
صبـاحكم ورود 💕..
تعرفون لما تدخلين محل بمول ومعك اختك صديقتك زوجك أو أي شخص وتجي الأخت اللي تبيع وتسألك تحتاجين شيء؟
وتقولين لها لا مشكورة يعطيك العافية..
تصير تمشي وراك وتسمعك وش تقولين للي معك وتجي تدخل عرض!
يعني مثلاً تقولين للي معك هذا العطر ريحته حلوة.. تجي الأخت اللي تشتغل بالمحل تقولك ايه حلو وفيه منه مجموعة كاملة ووو...
أو مثلاً تدخلين المحل تبغين تاخذين شغلة معينة وتسالين عنها وماتعطيك اياها تحاول تقنعك بأشياء أفضل..
هذي صارت معي أمس كنت ابغى آخذ سيروم من محل إڤ روشيه واحنا خلاص طالعين من السوق فقلت لزوجي ابغى ادخل هذا المحل..
قال يلا بنتظرك هنا اسرعي وهو ماسك معاه الأكياس..
دخلت سألتها عن السيروم قالت ايوه موجود وحطته على جنب..
ومسكتني تقنعني بأشياء ثانية وأحاول أعتذر منها بس مرررة زودتها معي مرررة يمكن فوق ربع ساعة تكلمني عن منتجاتهم.. ماحبيت اطنشها وأمشي..
والله يابنات أدري ان هذا شغلكم وأنتم مطالبين فيه.. بس إحنا كزباين نتضايق مرة!!
صرت مقدر أخذ راحتي بالمحل بسببكم!
عرضتي المساعدة وقلت لك شكراً ما أحتاج شيء خلاص !
أنتم وش رايكم صار معكم موقف مشابهه!