هذي الظاهرة كرهتني بالسوق وبالتسوق.. 😬

-
أعرف .. الله يرزقهم من واسع فضله..
لكن المفروض المسؤلين بالمحل ينبهونهم ان يعطون الزبون راحته..

اعطيها بالوجه اقلها شكرا من اول ماتقول تحتاجون ماترك لها مجال
واذا جلست تمشي ورايه الف المحل كله واعكس الطريق لما تمل مره جالسين بمحل بولو كلوب زوجي يبغى ياخذ ملابس رجاليه وجالسين ننقي وهي بكل قطه وجهه معانا اعطيتها نظره ماتنساها ولافكرت ولما جاينا نحاسب نفس الشي تلقفت عند المحاسبه تاخذ من يدها الاغراض وتحطها بالكيس وتضحك في بعضهم استغفر الله وبس
وقبل يومين كنت بمطعم اونّو بUwalk شافت تطبيق توكلنا عند الباب وقاست الحراره ومشت قدامنا انا استغربت ليش تمشي قدام وتفتح لنا الباب فكرت عادي ودخلت تشرح لنا الجلسات هذي اطلاله على الممشى وعندكم هناك جلسه قلت لها شكرا ورحت جلسه بكيفي باقي تختار لي وين اجلس استغرب صراحه من بعض التصرفات ينفرون الزبون

-
صدقتي..
ما ودي أظلم أحد..
بس أقسم بالله صديقة زوجة عمي تشتغل بمحل إلكترونيات..
تقول المدير يطلب مننا نلبس عباية ضيقة ونحط فل ميكب ومناكير وعطر..
عشان يجذبون الرجال ويتشرون من عندهم..
يشهد الله علي ماكذبت بكلمة..

-
صادقة أكيد ظروفهم حدتهم..
وانا أعتب أكثر شيء على المسؤلين اللي يعطونهم التوجيهات..
الزبون ابداً ماياخذ راحته فالتسوق..
أنا وحدة أحب اشوف واتفرج واتناقش مع اللي معي براحتنا..
تخيلي انا وزوجي خلينا بينا كلمة سر بالسوق 🤣
اذا قالي هاه وش رايك؟ يعني ما اعجبه شيء ويلا نطلع..
انا والله عمري ما أحرجت وحدة فيهم بلعكس اتجاوب معهم ..
اذكر مرة كنت رايحة اشتري ذهب من سوق المجد وشافتني حرمة كبيرة بكشك ميكب وجلست تتكلم عن المنتجات اللي عندها
رحمتها مررررة لانها كبيرة بالسن واكيد مجبورة تشتغل وأخذت منها ٣ منتجات على مدحها..
إلى يومك ما استخدمتها لان ماحب اشتري ميكب من كشكات..

الموظفات مطلوب منهم هالشي مو بكيفهم حتى هم الود ودهم مايتحركو من مكانهم بس مجبوريين
انت لاتجاملينهم شفتيها بدات تتكلم وتعرض لك منتجاتهم اشكريها قبل تكمل وقولي اللي اخذته هو اللي احتاجه حاسبيني لاني مستعجله وخلاص
واعذريهم لانهم مأمورات بهالشي الله يعينهم