الضيقه اللي فيني 😔💔

سلام
انا متزوجه صار لي سنه ونص ماعندي اطفال الدكاتره قالو مافيه علاج لحالتك ولقيت دكتور برا السعوديه يستقبل حالتي بروح له بس تفتح الحدود ان شاء الله لاكن ي بنات الفتره ذي احس بوحده وطفش فضيع مع ان الكل حواليني بس برضو طفشانه حسيت زوجي بدا يتغير عن اول بكثير كان مصبرني انه مو محسسني في شي بس هالفتره لا صاير بس طالع برا البيت واذا جا البيت على الجوال ماصار نطلع مثل اول او نستانس مع بعض صرت احس بالوحده وانا انسانه كتوم جداً موضحه لاهل زوجي ولاهلي ولزوجي اني جداً عادي واقوى مني مافيه بس داخلياً غير ثنتين من اخواتي تزوجو بعدي واللحين حمل ماشاء الله اخر وحده من اخواتي كنت اتمنى من قلبي انها تحمل صدق لانها تحب الاطفال وتزوجت وبعد ٧ شهور حملت بس مدري ليه لما جاني خبر حملها استانست والله حتى زوجي شافني مبتسمه قال وش فيك قلت فلانه حامل اول مره اشوف وجه زوجي كذا حسيته غير دايم قال مبروك ماقدرت اتحمل طلع من هنا مت صياح من هنا عرفت انه صار يبغى اطفال مع ان عمرنا صغير انا وهو بنص العشرين عارفه انه من حقه بس انا مامنعه خليه يصبر علي شوي اتعالج وبعدها مابوقف بطريقه لاكن مابغاه يحسسني بشي اللي كان مصبرني انه ماكان محسسني والله تعبانه واكتب ودموعي ماوقفت احس كأن لي عشره سنين مخنوقه وأول مره بحياتي ابكي هالكثر عشان الحمل الحمدلله محافظه على صلاتي وسورة البقره والاستغفار والدعاء بس برضو متضايقه اللي لهم كم سنه ماحملو كيف تتخطون هالشي انا اللي مضايقني زوجي وتغيره 😔 وفوق كل ذا اتنرفز من اللي يقولو فلانه تطلقت ماعندها اطفال يمكن عشان كذا طلقها لهدرجه اللي ماعندها اطفال طلاقها سهل ؟؟!! وربي راسي انفجر من الصياح واحس مو عارفه افضفض لمين مخنوقه مع ان زوجي لو فضفضت له عارفه اول واحد بيكون جنبي بس مو قادره لا له ولا لاهلي ولا احد عارف اني متضايقه عشان هالشي كيف نتخطاه واصير قويه مثل اول 😔 فعلياً اول مره تجيني افكار اني افكر بالطلاق عشان ارتاح من حملت ولا باقي ! وارتاح من التفكير بالحمل والامور هذي والله افكر بذا الشي عشان ارتاح