يا هلا والله بالغاليات اللي دخلوا موضوعي
ولكل اللي دخلوا الموضوع لهم هديه وهي:
يا رب يرزقكم الزوج الصالح ويوفقكم في الدنيا والآخرة
قولوا آمييييييييييين
مدري أحس إن موضوعي بيطول .... قاعده وفاضي ورايقة ....
الله يعينكم علي ....
الحين قلتوا آمين ؟؟؟؟؟:29:
المهم
أنا ودي إن اللي يجابون على موضوعي يكونون من المجتمع الخليجي المحافظ اللي تكون فية الحرمه ما تشوف خطيبها إلا بعد كتب الكتاب يعني بعد العقد ....
قصدي مو اللي تكون تعرفة عن قصة حب قبل الزواج :32:
وهذا بسبب إن الموضوع يدور حول الحالة الأولى اللي ما تعرف شخصية زوجها إلا بعد الزواج بس مو لأي سبب ثاني .... يعني ما أبي زعل O.K.
المهم
إحنا في مجتمعنا ما نشوف الرجال إلا في النظرة الشرعيه وبعدها بعد الملكة ..... صح؟؟؟؟
فودي كل وحده تدخل تقول لنا شعورها يوم دخلت وشافت زوجها في النظره الشرعية وحتى لو ما شافته .... المهم أبغى كل وحده تقول لنا أيش هو أو كان شعورها تجاه خطيبها فترة الخطوبه قبل فترة الملكة .... يعني كانت تحس إنها تحبه؟؟؟؟ أو تحس إنه رجال غريب ولا لها دخل فيه أبد .... أو مرات كذا ومرات كذا ؟؟؟؟؟ يعني كل وحده تعبر من نفسها وتقول لنا مواقفها الحلوة :21:
تراني أنتظر
لا تخيبون ظني فيكم :24: :24: :24:
شاركي في النقاش
سجلي الدخول لإضافة تعليق.
التعليقات
5- البنت ما تناظر خطيبها عند النظرة الشرعية أبد
أصلا تصير في عالم ثاني ما هي يم النظرة ولا شي
تكون مرتبكة وخائفة وقلقة وكل شي
ممكن تناظر غصب عليها لمحة رجليه أو طرف ثوبه
وما أعتقد أنه فيه بنت تستطيع تناظره أبد .. - ليش. كذا ......؟؟؟؟شكل البنات خايفين هههههههههههههههه
الوان الطيف :
انا ابداْ ......... مثل ما قلتي مجتمعنا ما فيه تعارف قبل الزواج الا في حالات نادرة
وكل شي يتم بشكل تقليدي من خطوبة عن طريق الاهل غالبا ثم الى نظرة شرعيه وطبعا تكون حالة البنت
حاله من قلق وخوف لكن من السؤال عن الخطيب والاستخارة يركد الواحد شوي ........................
الزبده : انا طووووووول فترة الخطوبه تقريبا خمس شهور وانا على اعصابي حتى اني نقصت النصف
من وزني من القلق مع اني شايفته وشايفني وما حبيته ذاك الحب ذيك الفترة لاني ما ادري هو يستحق
حبي واحساسي ولا لا وانا ما بعد شفت خيره من شره . - اما انا حكايتي حكايه لأن فترة الخطوبه استمرت اربع سنواااااااااات(من زين الحظ)
وخلال هذي الفتره ماشافني ولا شفته وبصراحه هذا احلى شئ عشان اكون مشتاقه لليلة الدخله :23:
بيني وبينكم اول مانخطبت حسيت اني ماحبه(صغيره ماعرف شئ) لكن بعد الزواج
عرفت اني كنت مجنونه لاني كنت بضيعه من يديني لانه بصراحه طلع زوج ولا في الاحلام (الله يخليه ويحفظه )
قولوا آميييييييين:26: - انا حتى يوم الشوفه الشرعيه ما قدرت اشوفه لأن ابوي دخل معانا عمي قال يفرفشنا ويهدي الجو بس وين عينه ما نزلت من علينا كأنه يراقبنا .... وما قدرت اشوف شي وزوجي كل ما جا يطلع فوق بوجهي لقى عمي يراقبه واذا طالع بسيقاني لقاه يراقبه الرجال احتار ... وطلع عمي هو نفسه ما كان يدري وش يسوي...
وبعد اسبوعين تمت الملكه بس خلالها هو يجي للبيت عشان يشوف الترتيبات مع ابوي كانوا ينادوني عشان اشوفه وما شفته..
بس طبعا ما تعرف الوحده زوجها الا بعد الملكه وما تبدأ تحبه الا لو لقت انه هو اللي مستاهل قلبها وبكذا تكمل المشوار معاه... - :26:
مواضيع مشابهة
تابعي تجارب أخرى من هذا القسم.