وحتى على موضوع الرضاعه الطبيعة وشق العجان ودي الأمور أول الوعي قبل ١٥ سنة كان أقل والمستشفيات مايمنعوا الحليب الصناعي ومافي اخصائية رضاعه تجي وتنصح وتعلم خصوصاً للبكريات ..
.
وحتى المستشفيات الكبيرة الي في جده الي كانوا يحطوا قارورة الحليب في عربية المولود ويدفوه الين غرفة الأم <<< دحين هذي المستشفيات صار ممنوع عندها الحليب الصناعي وخصصوا غرفة خاصه للمرضعات في المستشفى وقابليتهم على شق العجان صارت أقل من زمان <<< فبالتالي صرنا احنا الأمهات الجدد وعينا أعلى واقبالنا على الرضاعه الطبيعية أكثر من الجيل الي قبلنا ..
.
مع العلم ماشاء الله في عوائل من زمان عندهم موضوع الرضاعه الطبيعية مهم ويهتموا فيه معنهم من جيل أمي وخالاتي الي هم مواليد الخمسينات والستينات ..
.
لكن بالنسبة لمجتمعي أنا .. صاروا بنات جيلي يرضعوا طبيعي ماشاء الله أكثر من أمهاتهم الي مارضعوهم طبيعي <<< لكن مانقدر نلوم الجيل الي قبلنا لأننا في احتمال كبير كنا حنسوي زيهم لأنه ماكان في انترنت ومصادر تثقيف ولا مستشفيات توعي وتهتم .. فالحمدلله على نعمة التطور في كل شيء ..
التجمع (18)لحوامل🤰شهر يوليو 7 و شهر اغسطس 8👼لسنة 2021💙💗
متابعة النقاش، صفحة 181